Skip to main content

ശബരിമല: ഇ-ടിക്കറ്റിന്റെ കാലാവധി 48 മണിക്കൂര്‍ മാത്രം

 

ശബരിമല തീര്‍ഥാടകര്‍ക്ക് നിലയ്ക്കലില്‍ നിന്ന് പമ്പയിലേക്കും തിരിച്ചുമുള്ള ഇ-ടിക്കറ്റുകളുടെ കാലാവധി 48 മണിക്കൂര്‍ മാത്രം. നിലയ്ക്കല്‍ ബേസ് ക്യാമ്പിലെത്തുന്ന തീര്‍ഥാടകര്‍ക്ക് ഇവിടെ നിന്നും പമ്പയിലേക്കും തിരിച്ചുമുള്ള ഇ-ടിക്കറ്റുകള്‍ എടുക്കാവുന്നതാണ്. നിലയ്ക്കലും പമ്പയിലും വിവിധ സ്ഥലങ്ങളില്‍ ടിക്കറ്റ് വെന്റിംഗ് മെഷീനുകളില്‍ നിന്നും ടിക്കറ്റുകള്‍ ലഭിക്കും. നിലയ്ക്കല്‍-പമ്പ റൂട്ടിലുള്ള കെഎസ്ആര്‍ടിസിയുടെ ചെയിന്‍ സര്‍വീസുകളില്‍ ഇക്കുറി കണ്ടക്ടര്‍മാരില്ല. ഹൈദരാബാദ് ആസ്ഥാനമായുള്ള ഐടി കമ്പനിയാണ് വെന്റിംഗ് മെഷീന്‍ തയാറാക്കി നല്‍കിയിട്ടുള്ളത്. ഇരുനൂറോളം ടിക്കറ്റ് വെന്റിംഗ് മെഷിനുകളാണ് നിലയ്ക്കലില്‍ എത്തിച്ചിട്ടുള്ളത്. ക്രെഡിറ്റ്, ഡെബിറ്റ് കാര്‍ഡുകള്‍, പണം എന്നിവ ഉപയോഗിച്ച് ടിക്കറ്റുകള്‍ വാങ്ങാം.                  (പിഎന്‍പി 3758/18)

date