തെരഞ്ഞെടുപ്പ് ഒരുക്കങ്ങള് നിരീക്ഷകര് വിലയിരുത്തി
വോട്ടെടുപ്പിന് ആറു ദിവസം മാത്രം ശേഷിക്കെ ജില്ലയിലെ തെരഞ്ഞെടുപ്പ് ഒരുക്കങ്ങള് അന്തിമ ഘട്ടത്തിലേക്ക്. ആറ്റിങ്ങല്, തിരുവനന്തപുരം ലോക്സഭാ മണ്ഡലങ്ങളില് വോട്ടെടുപ്പിന് ഉപയോഗിക്കുന്ന ഇലക്ട്രോണിക് വോട്ടിങ് യന്ത്രങ്ങളുടെ കമ്മിഷനിങ് പൂര്ത്തിയായി. തിരുവനന്തപുരം ലോക്സഭാ മണ്ഡലത്തിന്റെ ചുമതലയുള്ള പൊതു നിരീക്ഷകന് ശരവണവേല്രാജും ജില്ലയിലെ പൊലീസ് നിരീക്ഷക ശശി പ്രഭ ദ്വിവേദിയും ജില്ലയിലെ വോട്ടെടുപ്പിനുള്ള ക്രമീകരണങ്ങള് വിലയിരുത്തി.
നിയോജക മണ്ഡലാടിസ്ഥാനത്തിലാണ് ഇ.വി.എം. കമ്മിഷനിങ് പൂര്ത്തിയായത്. പോളിങ് സാമഗ്രികളുടെ വിതരണ കേന്ദ്രങ്ങളിലെ സ്ട്രോങ് റൂമുകളിലാണ് ഇലക്ട്രോണിക് വോട്ടിങ് യന്ത്രങ്ങളും വിവിപാറ്റും സൂക്ഷിച്ചിരിക്കുന്നത്. ഈ സ്ട്രോങ് റൂമുകളിലെ ക്രമീകരണങ്ങളും നിരീക്ഷകര് പരിശോധിച്ചു.
പൊലീസ് ഉദ്യോഗസ്ഥര്, റവന്യൂ വകുപ്പ് ഉദ്യോഗസ്ഥര് തുടങ്ങിയവര് നിരീക്ഷകര്ക്കൊപ്പമുണ്ടായിരുന്നു.
(പി.ആര്.പി. 498/2019)
- Log in to post comments