സിവിൽ സർവീസ് ബോട്ട് ക്ലബ്ബ് രൂപവത്കരിക്കും

ആലപ്പുഴ: ആലപ്പുഴയ്ക്ക് തിലകക്കുറിയായി സ്റ്റേറ്റ് സർവീസ് ബോട്ട് ക്ലബ്ബ് രൂപവത്കരിക്കാൻ കളക്ട്രേറ്റിൽ ചേർന്ന ജീവനക്കാരുടെ സംഘടനാ പ്രതിനിധികളുടെയും ജീവനക്കാരുടെയും യോഗം തീരുമാനിച്ചു. അഡീഷണൽ ജില്ലാ മജിസ്‌ട്രേറ്റ് ഐ അബ്ദുൾ സലാമിന്റെ അധ്യക്ഷതയിലായിരുന്നു യോഗം. ബോട്ട് ക്ലബ്ബ് രൂപവത്കരിക്കാൻ ജില്ലാ കളക്ടറുടെ അനുമതി ലഭിച്ചതായി എ.ഡി.എം പറഞ്ഞു. ബോട്ടുക്ലബ്ബിന്റെ രജിസ്‌ട്രേഷൻ ഉൾപ്പടെയുള്ള കാര്യങ്ങൾക്കായി കമ്മറ്റിയെ ചുമതലപ്പെടുത്തി. പ്രാരംഭ നടപടികൾ ചർച്ചചെയ്യാനും തീരുമാനം എടുക്കാനുമായി എല്ലാ വകുപ്പിൻരെയും പ്രതിനിധികളെയും സംഘടനാപ്രതിനിധികളെയും ചേർത്ത് ജനറൽ കമ്മറ്റി രൂപവത്കരിച്ചു. സിവിൽ സർവീസ് ബോട്ട് ക്ലബ്ബിനായി ചുണ്ടൻ വള്ളം വാങ്ങുന്ന കാര്യം പരിഗണിക്കുന്നുണ്ട്. വിശദമായ ചർച്ചകൾക്കായി 18ന് ജനറൽ കമ്മറ്റി അംഗങ്ങളുടെ യോഗം ചേരാനും തീരുമാനിച്ചു. എല്ലാ സംഘടനാ പ്രതിനിധികളും ഏറെ ആവേശത്തോടെ ക്ലബ്ബ് രൂപീകരണത്തെ സ്വാഗതം ചെയ്തു.