കുടുംബശ്രീയിൽ അസിസ്റ്റന്റ് പ്രോജക്ട് ഓഫീസർ ഡെപ്യൂട്ടേഷൻ നിയമനം

കുടുംബശ്രീ പാലക്കാട് ജില്ലയിലെ അട്ടപ്പാടി ആദിവാസി വികസന പദ്ധതിയിൽ അസിസ്റ്റന്റ് പ്രോജക്ട് ഓഫീസർ തസ്തികയിൽ ഡെപ്യൂട്ടേഷൻ നിയമനം.  യോഗ്യതയുള്ള കേന്ദ്ര സംസ്ഥാന സർക്കാർ/ അർധസർക്കാർ ജീവനക്കാർ ചട്ടപ്രകാരം മാതൃവകുപ്പിൽ നിന്നുള്ള എൻ.ഒ.സി സഹിതം അപേക്ഷിക്കണം.  ശമ്പള സ്‌കെയിൽ: 45800-87000 (പുതുക്കിയത്).  അംഗീകൃത യൂണിവേഴ്‌സിറ്റിയിൽ നിന്നുള്ള ബിരുദമാണ് യോഗ്യത. സംഘാടന പാടവവും, ദാരിദ്ര്യ നിർമ്മാർജ്ജന തൊഴിൽദാന പദ്ധതികൾ നടപ്പിലാക്കുന്ന പ്രവർത്തന മേഖലകളിൽ കുറഞ്ഞത് മൂന്ന് വർഷത്തെ പ്രവൃത്തിപരിചയം അഭികാമ്യം. കൃഷി, ഗ്രാമവികസനം/ സാമൂഹികക്ഷേമം/ പട്ടികജാതി-പട്ടികവർഗ വികസനം, ഫിഷറീസ് വകുപ്പുകളിലെ ഓഫീസർമാർക്ക് മുൻഗണന.  കമ്പ്യൂട്ടറിൽ പ്രായോഗിക പരിജ്ഞാനം ഉണ്ടായിരിക്കണം.  സാമൂഹിക വിഷയങ്ങളിലെ ബിരുദാനന്തര ബിരുദം (എം.എസ്.ഡബ്ല്യു/ എം.എ സോഷ്യോളജി) അഭികാമ്യം. എഴുത്തുപരീക്ഷ, ഇന്റർവ്യൂ എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്.  അപേക്ഷകൾ എക്‌സിക്യൂട്ടീവ് ഡയറക്ടർ, കുടുംബശ്രീ, ട്രിഡ ബിൽഡിംഗ്, ചാലക്കുഴി ലെയിൻ, മെഡിക്കൽ കോളേജ്, തിരുവനന്തപുരം - 695011 എന്ന വിലാസത്തിൽ ആഗസ്റ്റ് അഞ്ച് വൈകിട്ട് അഞ്ചിനകം ലഭ്യമാക്കണം.  എഴുത്തുപരീക്ഷയും ഇന്റർവ്യൂവും ആഗസ്റ്റ് എട്ടിന് രാവിലെ പത്ത് മുതൽ സംസ്ഥാന ദാരിദ്ര്യ നിർമ്മാർജ്ജന മിഷൻ ഓഫീസിൽ നടക്കും.  ഇന്റർവ്യൂവിന് പ്രത്യേകം കത്ത് നൽകില്ല.  കൂടുതൽ വിവരങ്ങൾക്ക്:www.kudumbashree.org.
പി.എൻ.എക്സ്.2443/19