പാനീയ ചികിത്സാ വാരാചരണത്തിന് തുടക്കമായി
പൊതുജനാരോഗ്യ സംരക്ഷണം ശക്തിപ്പെടുത്താന്‍ വിദ്യാര്‍ഥികള്‍ രംഗത്തിറങ്ങണമെന്ന് പി.കെ അബ്ദുറബ്ബ് എം.എല്‍.എ പറഞ്ഞു. കൊണ്ടോട്ടി ഇ.എം.ഇ.എ കോളേജില്‍ പാനീയ ചികിത്സാ വാരാചരണത്തിന്റെ ജില്ലാതല ഉദ്ഘാടനം നിര്‍വ്വഹിക്കുകയായിരുന്നു അദ്ദേഹം. എന്‍.എസ്.എസ് യൂണിറ്റും ആരോഗ്യ വകുപ്പും സംയുക്തമായാണ് പരിപാടി നടത്തിയത്. പ്രിന്‍സിപ്പല്‍ ഡോ. എ.പി. അബ്ദുള്ള അധ്യക്ഷത വഹിച്ചു. ഡെപ്യൂട്ടി ഡി.എം.ഒ ഡോ. കെ മുഹമ്മദ് ഇസ്മയില്‍ മുഖ്യപ്രഭാഷണം നടത്തി. ശിശുരോഗ വിദഗ്ദന്‍ ഡോ. ഷാജി അറക്കല്‍ ക്ലാസെടുത്തു. എന്‍.എസ്.എസ് പ്രോഗ്രാം ഓഫീസര്‍മാരായ ഡോ. പി.എസ്. ധന്യ, ടി. മുഹമ്മദ് ഷാഫി, ജില്ലാ മാസ് മീഡിയ ഓഫീസര്‍ ടി.എം ഗോപാലന്‍, ഹെല്‍ത്ത് എജ്യുക്കേഷന്‍ എക്‌സറ്റന്‍ഷന്‍ ഓഫീസര്‍ കെ.പി സാദിഖ് അലി, ഡെപ്യൂട്ടി മാസ് മീഡിയ ഓഫീസര്‍ എം.പി. മണി, കോളേജ് യൂണിയന്‍ ചെയര്‍മാന്‍ പി. മന്‍സൂര്‍, ഹെല്‍ത്ത് സൂപ്പര്‍ വൈസര്‍ അനില്‍കുമാര്‍, ഹെല്‍ത്ത് ഇന്‍സ്‌പെക്ടര്‍ വി.പി. ദിനേഷ് എന്നിവര്‍ സംസാരിച്ചു.
- Log in to post comments