Skip to main content

മാതൃകയായി ക്രിസ്ത്യൻ കോളജ് എൻ.എസ്.എസ് വിഭാഗം

ആലപ്പുഴ: ഉപതിരഞ്ഞെടുപ്പിനോടനുബന്ധിച്ച് ചെങ്ങന്നൂർ മണ്ഡലത്തിൽ ഒരുക്കിയ അഞ്ചു മാതൃക പോളിങ് ബൂത്തുകളിലും സന്നദ്ധ സേവകരായെത്തിയ എൻ.എൻ.എസ് വിദ്യാർഥികൾ ഏവരുടെയും പ്രശംസ പിടിച്ചു പറ്റി. ഒരു കേന്ദ്രത്തിൽ മൂന്നു വീതം വിദ്യാർഥികളാണ് സേവന സന്നദ്ധരായി രാവിലെ മുതൽ നിലയുറപ്പിച്ചത്. ചെങ്ങന്നൂർ ക്രിസ്ത്യൻ കോളജിലെ നാഷണൽ സർവീസ് സ്‌കീം വിഭാഗം വിദ്യാർഥികളാണിവർ.

ഭിന്നശേഷിയുള്ളവരെ സഹായിക്കൽ, പ്രായമായ വോട്ടർമാർക്ക് ആവശ്യമായ പരിചരണം, കുടിവെള്ളമെത്തിക്കുക തുടങ്ങി എല്ലാ മേഖലയിലും ഇവരുടെ സഹായം എപ്പോഴും കിട്ടുന്ന അവസ്ഥയുണ്ടായിരുന്നു. 

 (പി.എൻ.എ 1118/ 2018)

date