ന്യൂനപക്ഷ മതവിഭാഗങ്ങളിലെ വിദ്യാര്ത്ഥികള്ക്കുള്ള ഫീ റീ ഇംബേഴ്സ്മെന്റ് സ്കീം അപേക്ഷ ക്ഷണിച്ചു
സര്ക്കാര് അംഗീകൃത സ്വകാര്യ ഐ.റ്റി.ഐകളില് പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാര്ത്ഥികള്ക്ക് ഫീ റീ ഇംബേഴ്സ്മെന്റ് സ്കീം 2018 -19 നല്കുന്നതിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു.
കേരളത്തില് പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്, സിഖ്, ബുദ്ധ, പാഴ്സി, ജൈന മതവിഭാഗത്തില്പ്പെട്ട വിദ്യാര്ത്ഥികള്ക്കാണ് സ്കോളര്ഷിപ്പ്. ഒരു വര്ഷത്തെ കോഴ്സിന് 10,000 രൂപയും രണ്ടു വര്ഷത്തെ കോഴ്സിന് 20,000 രൂപയുമാണ് സ്കോളര്ഷിപ്പ്. ബി.പി.എല് അപേക്ഷകരുടെ അഭാവത്തില് ന്യൂനപക്ഷ വിഭാഗങ്ങളിലെ നോണ് ക്രിമിലെയര് വിഭാഗത്തെയും പരിഗണിക്കും. 80:20 (മുസ്ലീം: മറ്റു മത ന്യൂനപക്ഷങ്ങള്) എന്ന അനുപാതത്തിലാണ് സ്കോളര്ഷിപ്പ് നല്കുന്നത്. 10 ശതമാനം സ്കോളര്ഷിപ്പ് പെണ്കുട്ടികള്ക്കായി സംവരണം ചെയ്തിട്ടുണ്ട്. വിദ്യാര്ത്ഥികളെ തെരഞ്ഞെടുക്കുന്നത് കുടുംബ വാര്ഷിക വരുമാനത്തിന്റെ അടിസ്ഥാനത്തിലായിരിക്കും. അപേക്ഷകര്ക്ക് ഏതെങ്കിലും ദേശസാത്കൃത ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം. www.minoritywelfare.kerala.gov.in ലൂടെ ഓണ്ലൈനായി അപേക്ഷിക്കാം. അവസാന തിയതി ഒക്ടോബര് 10. ഫോണ്: 0471 2302090, 2300524.
പി.എന്.എക്സ്.3827/18
- Log in to post comments