ദുരിതാശ്വാസ നിധിയിലേക്ക് 3.55 ലക്ഷം നല്‍കി

മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരളശാസ്ത്രസാഹിത്യ പരിഷത്ത് ജില്ലാ കമ്മിറ്റി സമാഹരിച്ച 3.55 ലക്ഷം രൂപ ജില്ലാ കലക്ടര്‍ യു.വി ജോസിന് കൈമാറി. പരിഷത്ത് അംഗങ്ങള്‍ വ്യക്തിപരമായി നല്‍കുന്ന ഒരു മാസത്തെ വരുമാനത്തിനു പുറമേ മേഖലാതലങ്ങളില്‍ സ്വരൂപിച്ച തുകയാണ് കൈമാറിയതെന്ന് ഭാരവാഹികള്‍ പറഞ്ഞു. കേരളശാസ്ത്ര സാഹിത്യപരിഷത്ത് സംസ്ഥാന ഭാരവാഹികളായ പ്രൊഫ. ടി.പി കുഞ്ഞിക്കണ്ണന്‍, കെ.ടി രാധാകൃഷ്ണന്‍, പ്രൊഫ. കെ ശ്രീധരന്‍, കെ. പ്രഭാകരന്‍, ജില്ലാ പ്രസിഡന്റ് അശോകന്‍ ഇളവനി, സെക്രട്ടറി സതീശന്‍ എന്നിവര്‍ കളക്ടറുടെ ചേമ്പറിലാണ് ചെക്ക് കൈമാറിയത്. 
ദുരിതാശ്വാസ നിധിയിലേക്ക് മാവൂര്‍ മഹളറ ആര്‍ട്സ് ആന്റ് സയന്‍സ് കോളേജിലെ വിദ്യാര്‍ത്ഥികള്‍ സ്വരൂപിച്ച 17,000 രൂപയും ജില്ലാ കലക്ടര്‍ക്ക് കൈമാറി. വി.കെ ഷര്‍ബാസ്, കെ ഷഹീല്‍, ഗോകുല്‍ദാസ്, എം.പി സുഫൈര്‍, അബ്ദുള്‍ റഹീം എന്നിവര്‍ സംബന്ധിച്ചു.