കോഴിയും കൂടും വിതരണം ചെയ്തു
മലപ്പുറം നഗരസഭയില്‍ 'നഗര പ്രിയ' പദ്ധതിയില്‍ 1200 ഓളം കുടുംബങ്ങള്‍ക്ക് കോഴിയും കൂടും വിതരണം ചെയ്തു. വനിതകള്‍ക്ക് സ്വയം തൊഴില്‍ പദ്ധതിയുടെ ഭാൗമായി കേരള പൗള്‍ട്രി വികസന കോര്‍പ്പറേഷനുമായി സഹകരിച്ചാണ് ഓരോ കുടുംബത്തിനും 5 കോഴി, കൂട്, 5 കിലോ കോഴി തീറ്റ, മരുന്ന് എന്നിവ വിതരണം ചെയ്തത്. 850 രൂപ സബ്‌സിഡി നിരക്കിലാണ് പദ്ധതി നടപ്പിലാക്കുന്നത്.
വിതരണോദ്ഘാടനം പി ഉബൈദുല്ല എംഎല്‍എ നിര്‍വഹിച്ചു. മാതൃകാ പ്രവര്‍ത്തനം നടത്തുന്നതില്‍ മലപ്പുറം നഗരസഭ എന്നും മുന്‍പന്തിയിലാണെന്ന് എം എല്‍ എ പറഞ്ഞു. നഗരസഭാ ചെയര്‍പേഴ്‌സണ്‍ സി എച്ച് ജമീല ടീച്ചര്‍ അധ്യക്ഷത വഹിച്ചു. കെപ്‌കോ ചെയര്‍പേഴ്‌സണ്‍ ചിഞ്ചു റാണി മുഖ്യാതിഥിയായിരുന്നു.
വൈസ് ചെയര്‍മാന്‍ പെരുമ്പള്ളി സൈദ്, സ്ഥിരം സമിതി അധ്യക്ഷരായ മറിയുമ്മ ശരീഫ്, പരി മജീദ്, പി എ സലീം, ഫസീന കുഞ്ഞിമുഹമ്മദ്, കൗണ്‍സിലര്‍മാരായ ഒ.സഹദേവന്‍, ഹാരിസ് ആമിയന്‍, സലീന റസാഖ്, സി കെ ജലീല്‍, കെ കെ ഉമ്മര്‍, കെ കെ മുസ്തഫ, ഇ കെ മൊയ്തീന്‍, തോപ്പില്‍ മുഹമമദ്കുട്ടി, കെ സിദ്ദീഖ്, ഹംസ കുന്നത്തൊടി, പി അപ്പുകുട്ടന്‍, കെ വിനോദ്,അഡ്വ.റിനിഷ റഫീഖ്, ബുഷ്റ സക്കീര്‍ , ബുഷ്റ തറയില്‍, ടി ടി സൈനബ, സുനിത ചെംപ്രേരി, പ്രീതാകുമാരിപങ്കെടുത്തു.
- Log in to post comments