സ്മാര്‍ട്ട് ക്ലാസ് റൂം ഉദ്ഘാടനം ചെയ്തു
മണാശേരി ഗവ. യു.പി. സ്‌ക്കൂളിലെ ഡിജിറ്റലൈസേഷന്‍ ചെയ്ത് നവീകരിച്ച 21 ക്ലാസ് മുറികളുടെ ഉദ്ഘാടനം തൊഴില്‍ എക്സൈസ് മന്ത്രി ടി.പി. രാമകൃഷ്ണന്‍ നിര്‍വഹിച്ചു. ഇനിയുള്ള സ്‌കൂള്‍ വികസന പ്രവൃത്തികള്‍ക്കായി ഒരു കോടി രൂപ മന്ത്രി ചടങ്ങില്‍ പ്രഖ്യാപിച്ചു. കൂടാതെ ജോര്‍ജ്. എം. തോമസ് എം.എല്‍.എയുടെ പ്രാദേശിക വികസന ഫണ്ടില്‍ നിന്നും 50 ലക്ഷം രൂപയും നീക്കിവെച്ചു.
ജനകീയ പങ്കാളിത്തത്തോടെ പിരിച്ചെടുത്ത ഫണ്ട് ഉപയോഗിച്ച് നിര്‍മ്മിച്ച കുട്ടികളുടെ പാര്‍ക്ക് കളിയൂഞ്ഞാല്‍ ജോര്‍ജ്. എം. തോമസ് എം.എല്‍.എ കുട്ടികള്‍ക്കായി തുറന്നുകൊടുത്തു. സ്‌കൂളില്‍ നടത്തുന്ന പുസ്തകോത്സവത്തിന്റെ പണക്കുട്ടകയിലേക്കുള്ള പണം മുക്കം നഗരസഭ ചെയര്‍മാന്‍ വി. കുഞ്ഞന്‍ മാസ്റ്റര്‍ സ്വീകരിച്ചു. സ്‌കൂളില്‍ നിര്‍മ്മിച്ച ശില്‍പോദ്യാനത്തിന്റെ ഉദ്ഘാടനം മുക്കം നഗരസഭ വിദ്യാഭ്യാസ സ്ഥിരം സമിതി ചെയര്‍മാന്‍ എന്‍. ചന്ദ്രന്‍ മാസ്റ്റര്‍ നിര്‍വഹിച്ചു. ജോര്‍ജ്. എം. തോമസ് എം.എല്‍.എ അദ്ധ്യക്ഷത വഹിച്ച ചടങ്ങില്‍ മുക്കം നഗരസഭ ചെയര്‍മാന്‍ വി. കുഞ്ഞന്‍ മാസ്റ്റര്‍ സ്വാഗതവും ഹെഡ്മാസ്റ്റര്‍ പി. ഗിരീഷ് കുമാര്‍ നന്ദിയും പറഞ്ഞു.
- Log in to post comments