ആദിവാസി മഹിളാ സശാക്തീകരണ് യോജന
സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് ദേശീയ പട്ടിക വര്ഗ്ഗ ധനകാര്യ വികസന കോര്പ്പറേഷന്റെ സഹായത്തോടെ നടപ്പിലാക്കുന്ന 50,000 രൂപ പദ്ധതി തുകയുള്ള 'ആദിവാസി മഹിളാ സശാക്തീകരണ് യോജന'ക്കു കീഴില് വായ്പ അനുവദിയ്ക്കുന്നതിനായി ജില്ലയിലെ പട്ടിക വര്ഗ്ഗത്തില്പ്പെട്ട തൊഴില് രഹിതരായ യുവതികളില് നിന്നും അപേക്ഷകള് ക്ഷണിച്ചു.
അപേക്ഷകര് പട്ടിക വര്ഗ്ഗത്തില്പ്പെട്ട തൊഴില് രഹിതരും 18നും 55നും മദ്ധ്യേ പ്രായമുള്ളവരുമായിരിയ്ക്കണം. കുടുംബ വാര്ഷിക വരുമാനം ഗ്രാമ പ്രദേശങ്ങളില് താമസിക്കുന്നവര്ക്ക് 98,000 രൂപയിലും നഗരപ്രദേശങ്ങളില് താമസിയ്ക്കുന്നവര്ക്ക് 1,20,000 രൂപയിലും കവിയാന് പാടില്ല. പദ്ധതി പ്രകാരം അനുവദനീയമായ വായ്പ തുക വിനിയോഗിച്ച് വിജയ സാദ്ധ്യതയുള്ള ഏതൊരു സ്വയം തൊഴില് സംരഭത്തിലും (കൃഷി ഭൂമി വാങ്ങല്/മോട്ടോര് വാഹനം വാങ്ങല് ഒഴികെ) ഗുണഭോക്താവിന് ഏര്പ്പെടാം.
തെരഞ്ഞെടുക്കപ്പെടുന്നവര് ഈടായി കോര്പ്പറേഷന്റെ നിബന്ധനകള്ക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ, വസ്തു ജാമ്യമോ ഹാജരാക്കണം. വായ്പ തുക നാല് ശതമാനം വാര്ഷിക പലിശ നിരക്കില് അഞ്ച് വര്ഷം കൊണ്ട് തിരിച്ചടക്കണം. അപേക്ഷാ ഫോറത്തിനും വിശദ വിവരങ്ങള്ക്കും കോര്പ്പറേഷന്റെ ജില്ലാ ഓഫീസുമായി ബന്ധപ്പെടണം. ഫോണ് : 0483-2731496, 04931-246644
- Log in to post comments