അന്താരാഷ്ട്ര ഭിന്നശേഷി ദിനാചരണം ഉദ്ഘാടനം ചെയ്തു

സമഗ്ര ശിക്ഷ കേരള 'ഒന്നാകാം ഉയരാം 'എന്ന മുദ്രാവാക്യം ഉയർത്തി ഭിന്നശേഷിക്കാർക്കായി മതിലകം ബി ആർ സിയുടെ നേതൃത്വത്തിൽ വിവിധ പരിപാടികൾ സംഘടിപ്പിച്ചു. മതിലകം ബി ആർ സി ഹാളിൽ നടത്തിയ ദിനാചരണ പരിപാടികൾ ഇ ടി ടൈസൺ മാസ്റ്റർ എം എൽ എ ഉദ്ഘാടനം ചെയ്തു. പെരിഞ്ഞനം പഞ്ചായത്ത് പ്രസിഡന്റ് കെ കെ സച്ചിത്ത് അധ്യക്ഷത വഹിച്ചു.
മതിലകം ബ്ലോക്ക് പഞ്ചായത്ത് പ്രസിഡന്റ് കെ കെ അബീദലി, കയ്പമംഗലം പഞ്ചായത്ത്
പ്രസിഡന്റ് സുരേഷ് കുമാർ, മതിലകം പഞ്ചായത്ത് ബി പി ഒ സജീവൻ എന്നിവർ പങ്കെടുത്തു. മണ്ഡലത്തിലെ ഭിന്നശേഷിക്കാരായ മുഴുവൻ കുട്ടികൾക്കും മണപ്പാട്ട് ഫൗണ്ടേഷൻ നൽകുന്ന സ്റ്റീൽ ബോട്ടിൽ എം എൽ എ വിതരണം ചെയ്തു.