ഇന്‍ഫര്‍മേഷന്‍ ആന്റ് പബ്‌ളിക് റിലേഷന്‍സ് വകുപ്പിന്റെ ആഭിമുഖ്യത്തില്‍ പ്രതിരോധ മരുന്നുകളുടെയും പരിസരശുചീകരണത്തിന്റെയും ആവശ്യകത സംബന്ധിച്ച ബോധവത്ക്കരണ സെമിനാറും പ്രദര്‍ശനവും ഫെബ്രുവരി ആറിന് ഉച്ചയ്ക്ക് രണ്ടിന് കാഞ്ഞങ്ങാട് മിനി സിവില്‍ സ്‌റ്റേഷന്‍ ഹാളില്‍ നടക്കും.കാഞ്ഞങ്ങാട് നഗരസഭാ ചെയര്‍മാന്‍ വി വി രമേശന്‍ ഉദ്ഘാടനം ചെയ്യും. ആരോഗ്യവകുപ്പിലെ വിദഗ്ധരുടെ ക്ലാസും ശുചിത്വമിഷന്‍ ശുചിത്വ ചിത്രപ്രദര്‍ശനവും ഇതോടനുബന്ധിച്ച് നടക്കും .14ന് ചെറുവത്തൂര്‍ പഞ്ചായത്ത് ഹാളിലും  16ന് പൈവളികെ പഞ്ചായത്ത് ഹാളിലും ഉച്ചയ്ക്ക് രണ്ട് മണിക്ക് ആരോഗ്യ ശുചിത്വ പരിപാടിയും പ്രദര്‍ശനവും നടക്കും.

പത്തനംതിട്ട ജില്ലയിലെ കോന്നിയില്‍ പ്രവര്‍ത്തിക്കുന്ന സി.എഫ്.ആര്‍.ഡിയുടെ കീഴില്‍ എറണാകുളം ജില്ലയിലെ ഇലഞ്ഞിയില്‍ നിര്‍മ്മാണത്തിലിരിക്കുന്ന പഴം, പച്ചക്കറി സംസ്‌ക്കരണശാലയുടെ ഇലക്ട്രിക്കല്‍ ജോലികള്‍ ചെയ്യുന്നതിന് ഇ-ടെന്‍ഡര്‍ ക്ഷണിച്ചു. ടെന്‍ഡര്‍ ഫെബ്രുവരി ഏഴ് വരെ സ്വീകരിക്കും. ഇ-ടെന്‍ഡര്‍ ഫോം ംംം.ലലേിറലൃ.െഴീ്.ശി ല്‍ ലഭിക്കും. 

.

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ഫെബ്രുവരി 17, 24 തീയതികളില്‍ പീരുമേടും ആറ്,20 തീയതികളില്‍ പുനലൂരിലും മറ്റു പ്രവൃത്തി ദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസ്സുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസ്സുകളും വിചാരണ നടത്തും.