കൈറ്റ് വിക്‌ടേഴ്‌സ് ചാനലിലെ പ്രതിവാര അഭിമുഖ പരമ്പരയായ വിക്‌ടേഴ്‌സ് റൂമില്‍ ഐക്യരാഷ്ട്രസഭയുടെ പരിസ്ഥിതി, ദുരന്തപ്രത്യാഘാത നിവാരണ വിഭാഗം തലവന്‍ മുരളി തുമ്മാരുകുടി തന്റെ അനുഭവങ്ങള്‍ പങ്കുവെയ്ക്കും.  ദുരന്ത നിവാരണത്തില്‍ വ്യക്തികളും സമൂഹവും സര്‍ക്കാരും സ്വീകരിക്കേണ്ട മുന്നൊരുക്കങ്ങള്‍ അവ നേരിടാന്‍ ആവശ്യമായ  പ്രാഥമിക അറിവുകള്‍, പ്രതിരോധിക്കാനുള്ള വഴികള്‍ എന്നിവ ചര്‍ച്ച ചെയ്യും.  പ്രശസ്ത വ്യക്തികളുടെ ജീവിതം, കാഴ്ചപ്പാട്, ഇടപെടലുകള്‍ എന്നിവ ഉള്‍പ്പെടുന്ന വിക്‌ടേഴ്‌സ് റൂം ഞായറാഴ്ച ഉച്ചയ്ക്ക് 01.30 നും രാത്രി 09.30 നും സംപ്രേഷണം ചെയ്യും.

പി.എന്‍.എക്‌സ്.445/18

കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ ഒ.ബി.സി വിഭാഗത്തില്‍പ്പെട്ട ഭവനരഹിതരായ കുടുംബങ്ങള്‍ക്കായി നടപ്പാക്കുന്ന എന്റെ വീട് ഭവന പദ്ധതിയില്‍ അപേക്ഷ ക്ഷണിച്ചു.  ഒ.ബി.സി വിഭാഗത്തില്‍പ്പെട്ട 18 നും 55 നും മദ്ധ്യേ പ്രായമുള്ള ഭവനരഹിതര്‍ക്ക് പരാവധി 10 ലക്ഷം രൂപ വരെ വായ്പ അനുവദിക്കും.

നിയമസഭയുടെ പാര്‍ലമെന്ററി പഠന പരിശീലന കേന്ദ്രത്തിന്റെയും കേരള പത്രപ്രവര്‍ത്തക യൂണിയന്‍ തിരുവനന്തപുരം ജില്ലാ കമ്മിറ്റിയുടെയും സംയുക്താഭിമുഖ്യത്തില്‍ ആറിന് സഭാ സമ്മേളനത്തിന് ശേഷം കേരളത്തിന്റെ സമ്പദ്ഘടന ജി.എസ്.ടിക്ക് ശേഷം എന്ന വിഷയത്തില്‍ പ്രഭാഷണ പരിപാടി നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ സംഘടിപ്പിക്കും.  ഡെപ്യൂട്ടി സ്പീക്കര്‍ വി.ശശി അധ്യക്ഷത വഹിക്കുന്ന ചടങ്ങ് സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും.  ധനകാര്യ വകുപ്പ് മന്ത്രി ഡോ. ടി.എം. തോമസ് ഐസക് വിഷയം അവതരിപ്പിച്ച് സംസാരിക്കും.

പി.എന്‍.എക്‌സ്.443/18

ലാന്റ് റവന്യൂ വകുപ്പില്‍ 2016 ജനുവരി ഒന്നു മുതല്‍ 2016 ഡിസംബര്‍ 31 കാലയളവില്‍ നിയമിതരായ എല്‍.ഡി.സി/വി.എമാരുടെ സംസ്ഥാനതല താത്കാലിക സീനിയോറിറ്റി ലിസ്റ്റ് പ്രസിദ്ധീകരിച്ചു.  എല്ലാ ജില്ലാകളക്ടറേറ്റുകളിലും, റവന്യൂ ഡിവിഷണല്‍ ഓഫീസുകളിലും, താലൂക്കാഫീസുകളിലും www.clr.kerala.gov.in എന്ന വെബ്‌സൈറ്റിലും ലിസ്റ്റ് പരിശോധിക്കാം.  താത്കാലിക സീനിയോറിറ്റി ലിസ്റ്റിനെതിരെ ജീവനക്കാര്‍ക്കുളള ആക്ഷേപങ്ങളും/അവകാശവാദങ്ങളും 28നകം ബന്ധപ്പെട്ട ജില്ലാ കളക്ടര്‍മാര്‍/ഓഫീസ് മേധാവികള്‍ മുമ്പാകെ സമര്‍പ്പിക്കണം. 

പി.എന്‍.എക്‌സ്.442/18

കേരള സര്‍ക്കാറിന്റെ കീഴിലുളള സംസ്ഥാന സഹകരണ യൂണിയന്റ തിരുവനന്തപുരത്തെ കേരള ഇന്‍സ്റ്റിറ്റ്യൂട്ട് ഓഫ് കോ - ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ, (ഫുള്‍ടൈം) അഡ്മിഷന്‍ ഫെബ്രുവരി അഞ്ചിന് കിക്മ ക്യാമ്പസില്‍ രാവിലെ 10 മണി മുതല്‍ നടത്തും.

    കോന്നി സിഎഫ്ആര്‍ഡിയുടെ കീഴില്‍ എറണാകുളം ജില്ലയിലെ ഇലഞ്ഞിയില്‍ നിര്‍മാണത്തിലിരിക്കുന്ന പഴം, പച്ചക്കറി സംസ്‌കരണ ശാലയുടെ ഇലക്ട്രിക്കല്‍ ജോലികള്‍   ചെയ്യുന്നതിന് ഇ-ടെന്‍ഡര്‍ ക്ഷണിച്ചു. ഫോണ്‍: 0468 2241144.

തിരുവനന്തപുരം ജില്ലയില്‍ മുന്‍വര്‍ഷം വിറ്റുപോകാത്തതും, 2017 ജൂലൈ ഒന്ന് മുതല്‍ ഒന്‍പത് മാസത്തേക്ക് ലൈസന്‍സ് ദീര്‍ഘിപ്പിച്ച് നല്‍കിയിട്ടില്ലാത്തതുമായ കളളുഷാപ്പുകള്‍ എട്ടിന് രാവിലെ 11ന് തിരുവനന്തപുരം കളക്ടറേറ്റ് കോണ്‍ഫറന്‍സ്  ഹാളില്‍ തിരുവനന്തപുരം ജില്ലാ കളക്ടര്‍ പരസ്യവില്പന നടത്തും.  വില്പന നിബന്ധനകളെ സംബന്ധിച്ച വിവരങ്ങള്‍ തിരുവനന്തപുരം എക്‌സൈസ് ഡിവിഷന്‍ ഓഫീസില്‍ നിന്നും തിരുവനന്തപുരം, നെടുമങ്ങാട്, ആറ്റിങ്ങല്‍, വര്‍ക്കല എക്‌സൈസ് സര്‍ക്കിള്‍ ഓഫീസുകളില്‍ നിന്നും തിരുവനന്തപുരം ഡിവിഷനിലെ ബന്ധപ്പെട്ട എക്‌സൈസ് റെയിഞ്ച് ഓഫീസുകളില്‍ നിന്നും ലഭിക്കും.

പി.എന്‍.എക്‌സ്.440/18

    മോട്ടോര്‍ തൊഴിലാളി ക്ഷേമനിധി പദ്ധതി അംഗങ്ങളായ തൊഴിലാളികള്‍ക്കും അവരുടെ ആശ്രിതര്‍ക്കും കിലയുടെ ആഭിമുഖ്യത്തില്‍ ഉപന്യാസ മത്സരം നടത്തുന്നു. പങ്കെടുക്കാന്‍ താത്പര്യമുള്ളവര്‍ ഫെബ്രുവരി അഞ്ചിന് മുമ്പ് പേരും വിശദവിവരവും ജില്ലാ എക്‌സിക്യൂട്ടീവ് ഓഫീസര്‍ക്ക് നല്‍കണം.ഫോണ്‍: 0468 2320158.         

    20 മുതല്‍ 60 വയസ്സ് വരെയുള്ളവര്‍ക്ക് ഉണ്ടാകുന്ന മൂത്രക്കല്ലിനും, അതിനെ തുടര്‍ന്നുള്ള വേദന, മൂത്രക്കടച്ചില്‍ എന്നിവയ്ക്കും തിരുവനന്തപുരം ഗവ: ആയുര്‍വേദ കോളേജില്‍ ഒ.പി. നമ്പര്‍-1 ല്‍ ഗവേഷണാടിസ്ഥാനത്തില്‍ ചൊവ്വ, വെള്ളി ദിവസങ്ങളില്‍ രാവിലെ 8.00 മുതല്‍ ഉച്ചയ്ക്ക് 12.30 വരെ ചികിത്സ ലഭ്യമാണ്.  കൂടുതല്‍ വിവരങ്ങള്‍ക്ക് 9747388723.

പി.എന്‍.എക്‌സ്.439/18