സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍ പട്ടികജാതി വികസന വകുപ്പുമായി ചേര്‍ന്ന് നടപ്പിലാക്കുന്ന വിദേശ തൊഴില്‍ വായ്പാ പദ്ധതിയില്‍ അര്‍ഹതയുള്ള പട്ടികജാതി യുവതീയുവാക്കളില്‍ നിന്നും അപേക്ഷകള്‍ ക്ഷണിച്ചു. അപേക്ഷകര്‍ പട്ടികജാതിയില്‍പ്പെട്ട അഭ്യസ്തവിദ്യരായ തൊഴില്‍രഹിതരും ഏതെങ്കിലും വിദേശരാജ്യത്തെ അംഗീകൃത തൊഴില്‍ദാതാവില്‍ നിന്നും തൊഴില്‍ നല്‍കുന്നതിന് ഓഫര്‍ ലെറ്റര്‍ ലഭിച്ചവരുമാകണം.

ഇന്ത്യയിലെ ഐ.എസ്.ആര്‍.ഒ ഉള്‍പ്പെടെയുള്ള ശാസ്ത്ര സമൂഹത്തിന്റെ കണ്ടെത്തലുകളും ഫലങ്ങളും സാധാരണക്കാരിലേക്കെത്തുന്നതിന്റെ മികച്ച മാതൃകയാണ് നാവിക് സംവിധാനമെന്ന് ഫിഷറീസ് മന്ത്രി ജെ. മേഴ്‌സിക്കുട്ടിഅമ്മ പറഞ്ഞു. മത്‌സ്യത്തൊഴിലാളികള്‍ക്കും ഫിഷറീസ് ഉദ്യോഗസ്ഥര്‍ക്കുമായി തൈക്കാട് ഗസ്റ്റ് ഹൗസില്‍ സംഘടിപ്പിച്ച നാവിക് പരിശീലന പരിപാടി ഉദ്ഘാടനം ചെയ്യുകയായിരുന്നു. 

    ചെങ്ങന്നൂര്‍ സെന്‍ട്രല്‍ ഹാച്ചറിയില്‍ ഫെബ്രുവരി ആറ് മുതല്‍ എട്ട് വരെ മുട്ടക്കോഴി വളര്‍ത്തലിലും 12ന് കാട വളര്‍ത്തലിലും 15 മുതല്‍ 17 വരെ ഇറച്ചിക്കോഴി വളര്‍ത്തലിലും 20നും 21നും ആട് വളര്‍ത്തലിലും 26നും 27നും മുയല്‍ വളര്‍ത്തലിലും സൗജന്യ പരിശീലനം നല്‍കും. കൂടുതല്‍ വിവരത്തിനും രജിസ്‌ട്രേഷനുമായി 0479 2457778 എന്ന നമ്പരില്‍ ബന്ധപ്പെടണം.                                               

    സംസ്ഥാന തുടര്‍ വിദ്യാഭ്യാസ കലോത്സവത്തിലും സംസ്ഥാന കേരളോത്സവത്തിലും വിജയിച്ചവരെ ജില്ലാ പഞ്ചായത്ത് അനുമോദിച്ചു.  വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷത വഹിച്ചു.  പ്രസിഡന്റ് എ.പി. ഉണ്ണികൃഷ്ണന്‍ ഉപഹാരങ്ങള്‍ വിതരണം ചെയ്തു.  സ്ഥിര സമിതി അധ്യക്ഷന്‍മാരായ വി. സുധാകരന്‍, അനിത കിഷോര്‍, ഹാജറുമ്മ, സെക്രട്ടറി പ്രീതി മേനോന്‍, സലീം കുരുവമ്പലം, സാക്ഷരതാ അസിസ്റ്റന്റ് കോര്‍ഡിനേറ്റര്‍ പി.വി. ശാസ്ത പ്രസാദ് തുടങ്ങിയവര്‍ സംസാരിച്ചു.
    സംസ്ഥാന തുടര്‍ വിദ്യാഭ്യാസ കലോത്സവത്തില്‍ ഒന്നാം സ്ഥാനവും കേരളോത്സവത്തില്‍ മൂന്നാം സ്ഥാനവുമാണ് ജില്ലക്ക് ലഭിച്ചത്.

    തിരുന്നാവായ ഗാന്ധി സുതൂപത്തില്‍ പുഷ്പാര്‍ച്ചന നടത്തി രക്തസാക്ഷി ദിനം ആചരിച്ചു. ജില്ലാ സര്‍വ്വോദയ മണ്ഡലവും സര്‍വ്വോദയമേള കമ്മിറ്റിയും ചേര്‍ന്ന് സംഘടിപ്പിച്ച പരിപാടി ഗ്രാമ പഞ്ചായത്ത് പ്രസിഡന്റ് ഫൈസല്‍ എടശ്ശേരി ഉദ്ഘാടനം ചെയ്തു.  ബ്ലോക്ക് മെമ്പര്‍ മുഹമ്മദാലി അധ്യക്ഷത വഹിച്ചു.  സര്‍വ്വേദയ മണ്ഡലം പ്രസിഡന്റ് പി.കെ. നാരായണന്‍ മുഖ്യ പ്രസംഗം നടത്തി.  പി. കോയക്കുട്ടി, ആര്‍. പ്രസന്ന കുമാരി, കെ.പി. അലവി, ഏട്ടന്‍ ശുക്രപുരം, ഉമ്മര്‍ ചിറക്കല്‍, നാസര്‍. പി, കായിക്കല്‍ അലി, രമാശശിധരന്‍, സലാം. പി, ഗോപി ചേന്നര എന്നിവര്‍ സംസാരിച്ചു.

മലപ്പുറം താലൂക്ക് ആശുപത്രിയില്‍ പുതിയ കെട്ടിടത്തിന്റെ നിര്‍മ്മാണവുമായി ബന്ധപ്പെട്ട് പൊളിച്ച പഴയ കെട്ടിടത്തിന്റെ ഉപയോഗപ്രദമായ കെട്ടിട നിര്‍മ്മാണ വസ്തുക്കളുടെ ലേലം നടത്തുന്നതിന് ദര്‍ഘാസ് ക്ഷണിച്ചു.  ദര്‍ഘാസുകള്‍ ഫെബ്രുവരി മൂന്നിന് വൈകീട്ട് അഞ്ചിനകം ലഭിക്കണം.  

ചട്ടിപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ ഇന്ന് (ജനുവരി 31) രാവിലെ ഒമ്പത് മുതല്‍ വൈകുന്നേരം അഞ്ച് വരെ കാട്ടുങ്ങല്‍ ചോല, നീറ്റിച്ചിറ, ബ്രാഞ്ച് മദ്രസ്സ , പൊന്നരംപള്ളിയാലില്‍  ട്രാന്‍സ്‌ഫോമറുകളിലെ വൈദ്യുതി മുടങ്ങും.

ചങ്ങരംകുളം - കക്കിടിപ്പുറം - ഉണ്ണമ്പൂതിരി റോഡില്‍ പ്രവൃത്തി നടക്കുന്നതിനാല്‍ ഇതിലൂടെ ഫെബ്രുവരി ഏഴ് മുതല്‍ ഗതാഗതം നിരോധിച്ചു.  ചങ്ങരംകുളത്ത് നിന്നും കക്കിടിപ്പുറത്തേക്കുള്ള വാഹനങ്ങള്‍ കക്കിടിപ്പുറം കെ.സി.സി ഓഡിറ്റോറിയം റോഡ് വഴി പോകണം.
അമ്മിണിക്കാട് - ഒടമല - പാറല്‍ റോഡില്‍ പ്രവൃത്തി നടക്കുന്നതിനാല്‍ ഇതിലൂടെ വാഹന ഗതാഗതം നിരോധിച്ചു.   പെരിന്തല്‍മണ്ണ, മണ്ണാര്‍ക്കാട് ഭാഗത്ത് നിന്ന് വരുന്ന വാഹനങ്ങള്‍ താഴെക്കോട്, മരുതല, ഒടമല വഴുയം പെരിന്തല്‍മണ്ണ, ചെര്‍പ്പുളശ്ശേരി ഭാഗങ്ങളില്‍ നിന്ന് വരുന്ന വാഹനങ്ങള്‍ തൂത, മുതിരമണ്ണ വഴിയും പോകണം.