ഗവ. സെൻട്രൽ പ്രസിൽ നിന്ന് രഹസ്യ ഫയലുകൾ നഷ്ടപ്പെട്ടെന്ന തലക്കെട്ടിൽ ഒരു മാധ്യമത്തിൽ വന്ന വാർത്ത വസ്തുതാവിരുദ്ധമാണെന്ന് അച്ചടി വകുപ്പ് ഡയറക്ടർ അറിയിച്ചു. ഒ. എം. ആർ ഷീറ്റ് അച്ചടിയുമായി ബന്ധപ്പെട്ട് അച്ചടി വകുപ്പും പി. എസ്. സിയും തമ്മിലുള്ള ചർച്ച അന്തിമഘട്ടത്തിലാണ്. 

നിലവിൽ ഒ. എം. ആർ ഷീറ്റ് അച്ചടിയുമായി ബന്ധപ്പെട്ട് യാതൊരു കരാറുമില്ല. ഇതുമായി ബന്ധപ്പെട്ട നടപടിക്രമങ്ങൾ പുരോഗമിക്കുകയാണ്. നിലവിലെ ധാരണ പ്രകാരം സെപ്റ്റംബർ പകുതിയോടെ മാത്രമേ നടപടിക്രമം പൂർത്തിയാക്കി കരാറിൽ ഏർപ്പെട്ട് അച്ചടി ജോലി തുടങ്ങുകയുള്ളൂയെന്ന് ഡയറക്ടർ അറിയിച്ചു.

ലൈഫ് മിഷൻ പദ്ധതി വഴി ഭവനരഹിതർക്ക് വീടുനിർമിക്കാൻ കോന്നിയിൽ 50 സെൻറ് സൗജന്യമായി ലഭിച്ചു. കോന്നി താഴത്ത് അതുമ്പുംകുളം വാഴക്കാലായിൽ വീട്ടിൽ ജഗദമ്മയാണ് തന്റെ വക 50 സെന്റ് സ്ഥലം സൗജന്യമായി സർക്കാരിലേക്ക് നൽകിയത്. 

ജഗദമ്മയുടെ വീട്ടിൽ നടന്ന ചടങ്ങിൽ സ്ഥലം വിട്ടുനൽകാനുള്ള സമ്മതപത്രം കെ.യു.ജനീഷ് കുമാർ എം.എൽ.എ ഏറ്റുവാങ്ങി. ചടങ്ങിൽ ലൈഫ്മിഷൻ ജില്ലാ കോ ഓർഡിനേറ്റർ സി.പി. സുനിലും പങ്കെടുത്തു.

പി.എൻ.എക്‌സ്. 2750/2020

അമൃത് മിഷനിൽ (അടൽ മിഷൻ ഫോർ റെജുവെനേഷൻ ആന്റ് അർബൻ ട്രാൻസ്ഫർമേഷൻ) സിറ്റി മിഷൻ മാനേജ്മെൻറ് യൂണിറ്റിൽ അർബൻ ഇൻഫ്രാസ്ട്രക്ചർ എക്സ്പർട്ട് ഒഴിവിലേക്ക് കരാർ നിയമനത്തിന് അപേക്ഷ ക്ഷണിച്ചു.

അംഗീകൃത യൂണിവേഴ്‌സിറ്റിയിൽ നിന്നും എഞ്ചിനിയറിംഗ് ബിരുദമാണ് യോഗ്യത. 

തിരുവനന്തപുരം ജില്ലയിലെ കാവുകൾ സംരക്ഷിച്ച് പരിപാലിക്കുന്നതിന് സംസ്ഥാന വനം വന്യജീവി വകുപ്പ്് നൽകി വരുന്ന 2020-2021 വർഷത്തേക്കുള്ള സാമ്പത്തിക സഹായത്തിനുള്ള  അപേക്ഷ തിയതി 31 വരെ നീട്ടി. താൽപര്യമുള്ള കാവുടമസ്ഥർ കാവിന്റെ വിസ്തൃതി, ഉടമസ്ഥത തെളിയിക്കുന്ന രേഖകൾ  എന്നിവ സഹിതം  അപേക്ഷിക്കണം.

നാഷണൽ ട്രാൻസ്‌പോർട്ടേഷൻ പ്ലാനിംഗ് ആന്റ് റിസർച്ച് സെന്ററിൽ(നാറ്റ്പാക്) പ്രോജക്ട് പേഴ്‌സണൽ തസ്തികയിൽ കരാർ നിയമനം നടത്തുന്നു. അപേക്ഷ സമർപ്പിക്കേണ്ട അവസാന തിയതി 26. വിശദവിവരങ്ങൾ www. natpac.kerala.gov.in ൽ ലഭിക്കും.

പി.എൻ.എക്‌സ്. 2747/2020

പിന്നാക്ക വിഭാഗ വികസന വകുപ്പ് നടപ്പാക്കുന്ന അഭിഭാഷക ധനസഹായ പദ്ധതിയിലേക്ക് അപേക്ഷിക്കേണ്ട  അവസാന തിയതി സെപ്റ്റംബർ പത്ത് വരെ നീട്ടി. 

പി.എൻ.എക്‌സ്. 2746/2020

തിരുവനന്തപുരം റീജിയണൽ ക്യാൻസർ സെന്ററിൽ ലാബ് ടെക്‌നീഷ്യൻ തസ്തികയിൽ കരാർ നിയമനം നടത്തുന്നു. 27 ന് വൈകിട്ട് 3.30 വരെ അപേക്ഷ സമർപ്പിക്കാം. വിശദവിവരങ്ങൾ www.rcctvm.gov.in ൽ ലഭിക്കും.

പി.എൻ.എക്‌സ്. 2745/2020

സ്വാതന്ത്ര്യ ദിനാഘോഷങ്ങളുടെ ഭാഗമായി 15 ന് രാവിലെ ഒൻപതിന്   നിയമസഭ സമുച്ചയത്തിൽ സ്ഥാപിച്ചിട്ടുളള ദേശീയ നേതാക്കളുടെ പ്രതിമകളിൽ സ്പീക്കർ പി. ശ്രീരാമകൃഷ്ണൻ പുഷ്പാർച്ചന നടത്തും.      

പി.എൻ.എക്‌സ്. 2742/2020