കാണം / വെറുമ്പാട്ടാവകാശഭൂമിക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ലാൻഡ് ട്രൈബ്യൂണൽ ആൻഡ് ഡെപ്യൂട്ടി കളക്ടർ (എൽ ആർ) ജൂലൈ രണ്ട്, നാല് തീയതികളിൽ തൃശൂർ കളക്ടറേറ്റിൽ നടത്താൻ നിശ്ചയിച്ച എല്ലാ എസ് എം കേസുകളുടെയും വിചാരണ യഥാക്രമം 2021 ഫെബ്രുവരി നാല്, ആറ് തീയതികളിലേക്ക് മാറ്റി. ഫോൺ 0487-2360777, 2239530.

തൃശൂർ ഗവ. മെഡിക്കൽ കോളേജ് മൈക്രോബയോളജി വകുപ്പിൽ റിസർച്ച് സയന്റിസ്റ്റ് (നോൺ മെഡിക്കൽ), റിസർച്ച് അസിസ്റ്റന്റ് (നോൺ മെഡിക്കൽ) എന്നീ തസ്തികളിലേക്ക് ജൂലൈ മൂന്നിന് നടത്താനിരുന്ന അഭിമുഖം മാറ്റി. ഫോൺ: 0487 2200311, 2200319.

ദേശീയ ആരോഗ്യ ദൗത്യത്തിന് കീഴിലെ കോവിഡ് കെയര്‍ സെന്ററിലെ അറ്റന്റര്‍ തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. യോഗ്യത എട്ടാം ക്ലാസ്സ്. യോഗ്യരായ ഉദ്യോഗാര്‍ത്ഥികള്‍ സര്‍ട്ടിഫിക്കറ്റ് സഹിതം ജൂലൈ മൂന്നിന് രാവിലെ 11 മണിക്ക്  കോഴിക്കോട് സിവില്‍ സ്റ്റേഷനിലെ ജില്ലാ പ്ലാനിങ്ങ് കോണ്‍ഫറന്‍സ് ഹാളില്‍ ഹാജരാകണമെന്ന് ജില്ലാ പ്രോഗ്രാം മാനേജര്‍ അറിയിച്ചു. വിശദ വിവരങ്ങള്‍ www.arogyakeralam.gov.in ല്‍ ലഭിക്കും.

സംസ്ഥാന കള്ള് വ്യവസായത്തൊഴിലാളി ക്ഷേമനിധി ബോര്‍ഡില്‍നിന്നും തൊഴിലാളി പെന്‍ഷന്‍, കുടുംബപെന്‍ഷന്‍, സാന്ത്വനപെന്‍ഷന്‍ തുടങ്ങിയവ കൈപ്പറ്റുന്നവരും ഈ വര്‍ഷം മസ്റ്ററിംഗ് ചെയ്യാന്‍ സാധിക്കാത്തവരുമായവര്‍ക്ക് അക്ഷയ കേന്ദ്രം വഴി മസ്റ്ററിംഗ് ചെയ്യാന്‍ അവസരമൊരുക്കിയതായി വെല്‍ഫയര്‍ ഫണ്ട് ഇന്‍സ്പെക്ടര്‍ അറിയിച്ചു.  പെന്‍ഷന്‍ കൈപ്പറ്റുന്നവര്‍ക്ക് ആധാര്‍ കാര്‍ഡ്, ബോര്‍ഡിന്റെ തിരിച്ചറിയല്‍ കാര്‍ഡ് എന്നിവ ഉപയോഗിച്ച് ജൂലൈ 15 വരെ സമീപത്തെ അക്ഷയ കേന്ദ്രത്തില്‍നിന്നും മസ്റ്ററിംഗ് ചെയ്യാം. ഫോണ്‍- 0495 2384355.

സംവിധാനം വില്ലേജ് ഓഫീസര്‍. ഗ്രാമപഞ്ചായത്ത് പ്രസിഡന്റ്, ജനപ്രതിനിധികള്‍, മെഡിക്കല്‍ ഓഫീസര്‍, റവന്യൂ ഉദ്യോഗസ്ഥര്‍ തുടങ്ങിയവര്‍ അഭിനേതാക്കള്‍. കൈകാര്യം ചെയ്യുന്ന വിഷയം നാട്ടില്‍ തിരിച്ചെത്തുന്ന പ്രവാസികളുടെ ക്വാറന്റൈന്‍ കാലം. പിന്നണിയില്‍ പ്രവാസികളും മാധ്യമപ്രവര്‍ത്തകരടക്കമുള്ളവരും. ഇത്തരത്തില്‍ വ്യത്യസ്തമായ കൂടിച്ചേരലുകള്‍ കൊണ്ട് ശ്രദ്ധേയമാണ് 'ക്വാറന്റയിന്‍ @ കൊടിയത്തൂര്‍' എന്ന ഷോര്‍ട്ട് ഫിലിം.

കൊച്ചുകുട്ടികളില്‍ കളിയും ചിരിയും കുസൃതിയും നിറച്ച് 'കിളിക്കൊഞ്ചല്‍' എന്ന വിനോദ വിജ്ഞാനപരിപാടിയുടെ സംപ്രേഷണം ആരംഭിച്ചു. മൂന്നു വയസ് മുതല്‍ ആറു വയസുവരെ പ്രായത്തിലുള്ള കുഞ്ഞുങ്ങളുടെ സമഗ്ര വികസനം ഉറപ്പാക്കുന്നതിനായി സംസ്ഥാന വനിതാ ശിശു വികസന വകുപ്പ് സി ഡിറ്റിന്റെ സാങ്കേതിക സഹായത്തോടെയാണ് 'കിളിക്കൊഞ്ചല്‍' ആവിഷ്‌ക്കരിച്ചിരിക്കുന്നത്. ലോക്ക്ഡൗണ്‍ കാരണം പ്രീ സ്‌കൂള്‍ പ്രവര്‍ത്തനങ്ങള്‍ തടസപ്പെട്ടിരിക്കുന്ന അങ്കണവാടി കുട്ടികള്‍ക്ക് സുഗമമായ പഠനവും വിനോദവും ഇതുവഴി ലഭ്യമാകും.

മസ്റ്ററിങ്ങ് പൂര്‍ത്തിയാക്കണം

മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും മത്സ്യത്തൊഴിലാളി/അനുബന്ധത്തൊഴിലാളി/വിധവ പെന്‍ഷന്‍ കൈപ്പറ്റിക്കൊണ്ടിരിക്കുന്ന കണ്ണൂര്‍, കാസര്‍കോട് ജില്ലകളിലെ ഗുണഭോക്താക്കളില്‍ മസ്റ്ററിങ്ങ് ചെയ്യാന്‍ ബാക്കിയുള്ളവര്‍ ജൂലൈ 15 നകം അക്ഷയ കേന്ദ്രത്തിലെത്തി മസ്റ്ററിങ്ങ് നടത്തേണ്ടതാണെന്ന് മത്സ്യബോര്‍ഡ് കണ്ണൂര്‍ മേഖലാ എക്‌സിക്യുട്ടീവ് അറിയിച്ചു.  മസ്റ്ററിങ്ങ് പരാജയപ്പെട്ടവര്‍ അതിന്റെ സര്‍ട്ടിഫിക്കറ്റും ലൈഫ് സര്‍ട്ടിഫിക്കറ്റും സഹിതം ജൂലൈ 22 നകം ബന്ധപ്പെട്ട ഫിഷറീസ് ഓഫീസര്‍ക്ക് സമര്‍പ്പിക്കേണ്ടതാണ്.  ഫോണ്‍: 0497 2734587.

ജില്ലയില്‍ ഇന്നും നാളെയും യെല്ലോ അലേര്‍ട്ട് ആയിരിക്കുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. 64.5 മില്ലീ മീറ്റര്‍ മുതല്‍ 115.5 മില്ലീ മീറ്റര്‍ വരെ ശക്തമായ മഴക്ക് സാധ്യതയുണ്ട്.  ജനങ്ങള്‍ ജാഗ്രത പാലിക്കണം.