ജൂൺ 25 മുതൽ 30 വരെ കേരളത്തിലേക്ക് എത്തുന്നത് 154 വിമാനങ്ങളാണെന്ന് മുഖ്യമന്ത്രി പിണറായി വിജയൻ പറഞ്ഞു. 111 ചാർട്ടേർഡ് ഫ്‌ളൈറ്റുകളും 43 വന്ദേഭാരത് ഫ്‌ളൈറ്റുകളുമാണ് വിദേശ മന്ത്രാലയം ചാർട്ട് ചെയ്തിട്ടുള്ളത്. 26 മുതൽ ഒരു ദിവസം 40, 50 വിമാനങ്ങളാണ് പ്രതീക്ഷിക്കുന്നത്. കൊച്ചിയിലേക്കും കോഴിക്കോട്ടേക്കുമാണ് കൂടുതൽ വിമാനങ്ങൾ. എല്ലാ വിമാനത്താവളത്തിലും വിപുലമായ സജ്ജീകരണങ്ങൾ ഒരുക്കിയിട്ടുണ്ട്. കോവിഡ് പരിശോധനയ്ക്കുള്ള ആന്റിബോഡി കിറ്റ് എല്ലായിടത്തും എത്തിച്ചു. വിമാനത്താവളങ്ങളിൽ പ്രത്യേക ബൂത്തുകൾ തയ്യാറാക്കിയിട്ടുണ്ട്.  ഇതിന് ചുമതലയുള്ളവർക്ക് വ്യക്തമായ മാർഗനിർദേശവും നൽകി.

* ചികിത്സയിലുള്ളത് 1761 പേർ; ഒമ്പത് പുതിയ ഹോട്ട് സ്‌പോട്ടുകൾ

2019 വർഷത്തെ ദേശീയ അധ്യാപക അവാർഡിനുളള നാമനിർദ്ദേശങ്ങൾ കേന്ദ്രസർക്കാർ ക്ഷണിച്ചു. എം.എച്ച്.ആർ.ഡി.യുടെ  www.mhrd.gov.in വെബ്‌സൈറ്റിൽ  http://nationalawardstoteachers എന്ന ലിങ്കിൽ ഓൺലൈൻ മുഖാന്തിരം നോമിനേഷനുകൾ അപ്‌ലോഡ് ചെയ്യാം. നോമിനേഷൻ അപ്‌ലോഡ് ചെയ്യേണ്ട തീയതി ജൂലൈ ആറ് ആണ്.

പി.എൻ.എക്സ്. 2288/2020

ജൂൺ 27 ശനിയാഴ്ച ക്രമീകരിച്ചിരുന്ന ത്രിവത്സര എൻജിനിയറിംങ് ഡിപ്ലോമ പരീക്ഷകൾ ജൂലായ് എട്ടിലേക്ക് പുന:ക്രമീകരിച്ചു. പരീക്ഷാ സമയത്തിന് മാറ്റമില്ല.
പി.എൻ.എക്സ്. 2287/2020

ജില്ലയിലെ വിവിധ മാര്‍ക്കറ്റുകളിലും മാളുകളിലും സൂപ്പര്‍ മാര്‍ക്കറ്റുകളിലും ഇറച്ചി, മത്സ്യം വില ക്രമാതീതമായി വര്‍ധിപ്പിക്കുന്നതായി പരാതികള്‍ ലഭിച്ചതിനാല്‍ ഭക്ഷ്യവസ്തുക്കളുടെ വിലനിലവാരം പുനക്രമീകരിച്ചതായി ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. അമിതവില ഈടാക്കുന്ന വ്യാപാരികള്‍ക്കെതിരെ കര്‍ശന നടപടി എടക്കും. പൊതുവിപണിയില്‍ വില്‍ക്കുന്ന വിവിധ തരം ഇറച്ചി, മത്സ്യങ്ങളുടെ വില പുനക്രമീകരിച്ചു.  
ഇറച്ചി വില

സംസ്ഥാനത്തെ സര്‍ക്കാര്‍, എയ്ഡഡ്, അംഗീകൃത അണ്‍ എയ്ഡഡ്, സി ബി എസ് ഇ/ഐ സി എസ് ഇ അഫിലിയേറ്റഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്ന ഒ ഇ സി വിദ്യാര്‍ഥികള്‍ക്ക്  പ്രീമെട്രിക് വിദ്യാഭ്യാസ ആനുകൂല്യത്തിന് അപേക്ഷിക്കാം.

സാങ്കേതിക കാരണങ്ങളാല്‍ ഇന്ന്(ജൂണ്‍ 26) ഐ ഐ ഐ സി യില്‍  നടത്താനിരുന്ന സെന്റര്‍ ഫോര്‍ നാര്‍ക്കോട്ടിക് സെന്ററിന്റെ ഉദ്ഘാടനം മാറ്റിവച്ചു.
(പി.ആര്‍.കെ നമ്പര്‍ 1718/2020)

മുഖത്തല അഡീഷണല്‍ ഐ സി ഡി എസ് പ്രോജക് നെടുമ്പന, കൊറ്റംകര, ഗ്രാമപഞ്ചായത്തുകളില്‍ 20 അങ്കണവാടി ഹെല്‍പ്പറുടെയും ഇളമ്പള്ളൂര്‍, നെടുമ്പന ഗ്രാമപഞ്ചായത്തുകളിലെ ഓരോ അങ്കണവാടി വര്‍ക്കറുടെയും സ്ഥിരം ഒഴിവിലേക്കും  ഉണ്ടാകാന്‍ സാധ്യതയുള്ളതുമായ വര്‍ക്കര്‍/ഹെല്‍പ്പര്‍ ഒഴിവുകളിലേക്ക് സ്ഥിര നിയമന സെലക്ഷന്‍ ലിസ്റ്റില്‍പെടാന്‍ അതത് പഞ്ചായത്തുകളിലെ സ്ഥിരതാമസക്കാര്‍ക്ക് അപേക്ഷിക്കാം.

ജില്ലയിലെ കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി മുഖത്തല അഡീഷണല്‍  ഐ സി ഡി എസിന്റെ നേതൃത്വത്തില്‍ മാസ്‌ക് വിതരണം നടത്തി. സി ഡി പി ഒ സിന്ധുവിന്റെ നേതൃത്വത്തില്‍  പെരുമ്പുഴ ഇലക്ട്രിസിറ്റി ഓഫീസ്, കുണ്ടറ പൊലീസ് സ്റ്റേഷന്‍, സബ് ട്രഷറി, ഇളമ്പള്ളൂര്‍ സാമൂഹിക ആരോഗ്യ കേന്ദ്രം എന്നിവിടങ്ങളിലായാണ് വിതരണം ചെയ്തത്. ഐ സി ഡി എസ് സൂപ്പര്‍വൈസര്‍മാര്‍, അങ്കണവാടി പ്രവര്‍ത്തകര്‍, സ്‌കൂള്‍ കൗണ്‍സിലര്‍മാര്‍ എന്നിവര്‍ ചേര്‍ന്ന് നിര്‍മിച്ച 600 കോട്ടണ്‍  മാസ്‌കുകളാണ്  വിതരണം ചെയ്തത്. സ്‌കൂള്‍ കൗണ്‍സിലര്‍മാരായ സ്മിത, അഞ്ജലി ദാസ്, അയിഷ, അങ്കണവാടി വര്‍ക്കര്‍ ഷൈലജ തുടങ്ങിയവര്‍ പങ്കെടുത്തു.