പെരിയ സര്‍ക്കാര്‍ പോളിടെക്‌നിക് കോളേജില്‍   മെക്കാനിക്കല്‍ എഞ്ചിനീയറിംഗ് ബ്രാഞ്ചില്‍ ദിവസവേതന അടിസ്ഥാനത്തില്‍   ഗസ്റ്റ് അദ്ധ്യാപകരെ നിയമിക്കുന്നതിനുളള കൂടിക്കാഴ്ച ഈ മാസം 22 ന് രാവിലെ 10 മണിക്ക്  കോളേജില്‍  നടക്കും. ബന്ധപ്പെട്ട വിഷയത്തില്‍ 60 ശതമാനത്തില്‍  കുറയാതെ നേടിയ ബിടെക് ബിരുദമാണ് യോഗ്യത. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസ്സലും സാക്ഷ്യപ്പെടുത്തിയ പകര്‍പ്പും സഹിതം അന്നേ ദിവസം രാവിലെ  10 മണിക്കകം രജിസ്റ്റര്‍ ചെയ്യണം.ഫോണ്‍ 04672 234020.
 

    നബാര്‍ഡിന്റെ  കാസര്‍കോട് ജില്ലയ്ക്ക് വേണ്ടിയുളള 2018 ലെ  സാധ്യാതാധിഷ്ഠിത വായ്പാ പദ്ധതിയുടെ പ്രകാശനം കളക്ടറുടെ ചേമ്പറില്‍ ജില്ലാകളക്ടര്‍ ജീവന്‍ബാബു കെ നിര്‍വ്വഹിച്ചു.  ലീഡ് ബാങ്ക് ജില്ലാ മാനേജര്‍ സി എസ് രമണന്‍ ഏറ്റുവാങ്ങി.  നബാഡ് എജിഎം ജ്യോതിസ് ജഗന്നാഥ്, എഡിഎം എന്‍ ദേവിദാസ്, കാസര്‍കോട് ജില്ലാ സഹകരണ ബാങ്ക് ജനറല്‍ മാനേജര്‍ എ അനില്‍കുമാര്‍, എസ്ബിഐ ചീഫ് മാനേജര്‍ എ പി  മനോജ്, കേരള ഗ്രാമീണ്‍ ബാങ്ക്  റീജ്യണല്‍ മാനേജര്‍ കെ ഉഷാകുമാരി, ചീഫ് മാനേജര്‍ വി എം പ്രഭാകരന്‍, പി തങ്കമണി, ഡെപ്യൂട്ടികളക്ടര്‍ (ആര്‍ആര്‍) അബ്ദുസമദ് എന്നിവര്‍ സംബന്ധിച്ചു.
 

    കൊല്ലം വിദ്യാഭ്യാസ ഉപഡയറക്ടര്‍ ഓഫീസിലെ നവീകരണവുമായി ബന്ധപ്പെട്ട് കമ്പ്യൂട്ടറുകളും അനുബന്ധ ഉപകരണങ്ങളും വാങ്ങുന്നതിന് ഇ-ടെണ്ടര്‍ ക്ഷണിച്ചു. വിശദ വിവരങ്ങള്‍ ഇ-ടെണ്ടര്‍ കേരള വെബ്‌സൈറ്റിലും വിദ്യാഭ്യാസ ഉപഡയറക്ടര്‍ ഓഫീസിലും ലഭിക്കും. ഫോണ്‍: 0474-2792957.
(പി. ആര്‍. കെ.148/18)
 

    ജില്ലാ ആസൂത്രണ സമിതി യോഗം ജനുവരി 22ന് രാവിലെ 11ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.
(പി. ആര്‍. കെ.147/18)
 

പട്ടികജാതി വിഭാഗത്തില്‍പ്പെട്ടവര്‍ക്കായി മാറ്റ്‌ലാബ് പരിശീലനത്തിന് വാക്ക് ഇന്‍ ഇന്റര്‍വ്യൂ നടത്തുന്നു. സി-ഡിറ്റിന്റെ തിരുവനന്തപുരത്തുള്ള സൈബര്‍ശ്രീ സെന്ററില്‍ നല്‍കുന്ന നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐ.ടി., അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം/ എം.സി.എ/എം.എസ്സ്.സി. (കംപ്യൂട്ടര്‍സയന്‍സ്) പാസ്സായവര്‍/കോഴ്‌സുകള്‍ പൂര്‍ത്തീകരിച്ചവര്‍/ബി എസ് സി(കംപ്യൂട്ടര്‍സയന്‍സ്/ഇലക്‌ട്രോണിക്‌സ്)പാസ്സായവര്‍ എന്നിവര്‍ക്ക് പങ്കെടുക്കാം.  പ്രായം 20നും 26 നും ഇടയില്‍.

    ജനുവരി മാസത്തെ ജില്ലാ വികസന സമിതി യോഗം 27ന് രാവിലെ 11ന് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.
(പി. ആര്‍. കെ.146/18)
 

ജില്ലാ എംപ്ലോയ്‌മെന്റ്  എക്സ്ചേഞ്ചിനോടനുബന്ധിച്ചുള്ള എംപ്ലോയബിലിറ്റി  സെന്ററിന്റെ ആഭിമുഖ്യത്തില്‍ തളിപ്പറമ്പ്  ടൗണ്‍ എംപ്ലോയ്മെന്റ് എക്സ്ചേഞ്ചില്‍  20 ന് രാവിലെ  10.30 മുതല്‍ ഉച്ചക്ക് 1.30 വരെ എംപ്ലോയബിലിറ്റി സെന്ററിന്റെ ആജീവനാന്ത രജിസ്‌ട്രേഷനും  ട്രെയിനിങ്ങും അസ്സെസ്സ്‌മെന്റും നടത്തും.

ജില്ലാ പഞ്ചായത്ത് 2017-18 വര്‍ഷം നടപ്പിലാക്കുന്ന സമഗ്ര വിദ്യാഭ്യാസ പദ്ധതിയുടെ ഭാഗമായുള്ള ഇ മുകുളം പദ്ധതി എസ് എസ് എല്‍ സി പരീക്ഷയ്ക്ക് മുന്നോടിയായി നടപ്പാക്കുന്ന പ്രവര്‍ത്തനങ്ങള്‍ വിലയിരുത്തുന്നതുമായി ബന്ധപ്പെട്ട യോഗം ജനുവരി 19ന് ഉച്ചയ്ക്ക് 2 മണിക്ക് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.  യോഗത്തില്‍ ജില്ലയിലെ എല്ലാ ഗവ./എയിഡഡ് ഹൈസ്‌കൂള്‍ ഹെഡ്മാസ്റ്റര്‍മാരും പങ്കെടുക്കണമെന്ന് ജില്ലാ പഞ്ചായത്ത് പ്രസിഡണ്ട് അറിയിച്ചു.
പി.എന്‍.സി/215/2018

    കൊട്ടാരക്കര സദാനന്ദപുരം കൃഷി സമ്പ്രദായ ഗവേഷണ കേന്ദ്രത്തില്‍ സൗജന്യ കൂണ്‍കൃഷി പരിശീലനം നടത്തുന്നു. കര്‍ഷകര്‍/യുവതീയുവാക്കള്‍ക്ക് പങ്കെടുക്കാം. വിശദ വിവരങ്ങള്‍ 0474-2663535 എന്ന നമ്പരില്‍ ലഭിക്കും.
(പി. ആര്‍. കെ.145/18)