കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ തിരുവനന്തപുരത്ത് പ്രവര്‍ത്തിക്കുന്ന മോഡല്‍ ഫിനിഷിംഗ് സ്‌കൂളില്‍ സിസ്റ്റം അനലിസ്റ്റ് യോഗ്യത: ബി.ടെക് ഇന്‍ കമ്പ്യൂട്ടര്‍ സയന്‍സ്/എം.സി.എ (ഫസ്റ്റ് ക്ലാസ്), ലാബ് അസിസ്റ്റന്റ് യോഗ്യത: ഇലക്ട്രോണിക്‌സ്/കമ്പ്യൂട്ടര്‍ ഡിപ്ലോമ (ഫസ്റ്റ് ക്ലാസ്) എന്നീ തസ്തികകളില്‍ കരാര്‍ അടിസ്ഥാനത്തില്‍ അപേക്ഷ ക്ഷണിച്ചു.

താത്പര്യമുളളവര്‍ അസല്‍ സര്‍ട്ടിഫിക്കറ്റുകളുമായി ഡിസംബര്‍ ആറിന് രാവിലെ 11ന് തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ എത്തിച്ചേരണം. ഫോണ്‍: 0471 2307733.

പി.എന്‍.എക്‌സ്.5127/17

സംസ്ഥാന സര്‍ക്കാരിന്റെ  നിയന്ത്രണത്തിലുള്ള സ്‌കൂളുകളിലെ അദ്ധ്യാപക  നിയമനത്തിനുള്ള യോഗ്യത പരീക്ഷയായ കേരള ടീച്ചേഴ്‌സ് എലിജിബിലിറ്റി ടെസ്റ്റിന് (കെ-ടെറ്റ്) ഓണ്‍ ലൈനായി ഡിസംബര്‍ അഞ്ച് വരെ അപേക്ഷിക്കാം. വിശദവിവരങ്ങള്‍ www.keralapareekshabhavan.in, ktet.kerala.gov.in എന്നിവയില്‍ ലഭ്യമാണ്. 

പി.എന്‍.എക്‌സ്.5126/17

കേന്ദ്ര ന്യൂനപക്ഷ മന്ത്രാലയത്തിന്റെ മേല്‍നോട്ടത്തില്‍ പ്രവര്‍ത്തിക്കുന്ന മൗലനാ ആസാദ് എഡ്യൂക്കേഷന്‍ ഫൗണ്ടേഷന്റെ സ്വച്ഛ് വിദ്യാലയം പദ്ധതി പ്രകാരം സംസ്ഥാനത്തെ സ്‌കൂളുകളിലും മദ്രസകളിലും ടോയ്‌ലറ്റുകള്‍ നിര്‍മ്മിക്കുന്നതിനായി അപേക്ഷകള്‍ ക്ഷണിച്ചു.  സ്വന്തമായി സ്ഥല സൗകര്യമുള്ളവര്‍ക്കും വര്‍ഷത്തേക്ക് വാടകയ്ക്ക് സ്ഥലവും കെട്ടിടവും ഉള്ളവര്‍ക്കും അപേക്ഷിക്കാം.  200 കുട്ടികളെങ്കിലും പഠിക്കുന്ന അംഗീകൃത മദ്രസകള്‍ ആയിരിക്കണം.  അപേക്ഷകര്‍ ടോയിലെറ്റിന്റെ ആവശ്യകത ആണ്‍/പെണ്‍ കുട്ടികളുടെ എണ്ണത്തിന്റെ അടിസ്ഥാനത്തില്‍ വ്യക്തമാക്കണം.  അപേക്ഷ ഫോമുകള്‍, പദ്ധതി സംബന്ധിച്ച കൂടുതല്‍ വിവരങ്ങള്‍ എന്നിവ www.maef.nic.in,

വിളവൂര്‍ക്കല്‍ പ്രാഥമികാരോഗ്യ കേന്ദ്രത്തിലെ ഓഫീസ് അറ്റന്‍ഡന്റ് ഹരികുമാര്‍ പ്രാഥമികാരോഗ്യകേന്ദ്രത്തിന്റെ പ്രവര്‍ത്തനം തടസപ്പെടുത്തിയെന്ന മെഡിക്കല്‍ ഓഫീസറുടെ പരാതിയുടെ അടിസ്ഥാനത്തില്‍ അന്വേഷണ വിധേയമായി സര്‍വീസില്‍ നിന്നും സസ്‌പെന്‍ഡ് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു.

പി.എന്‍.എക്‌സ്.5124/17

ഇംഗ്ലണ്ടിലെ മെഡ്‌വേ എന്‍.എച്ച്.എസ് ഫൗണ്ടേഷന്‍ ട്രസ്റ്റ് ആശുപത്രിയിലേക്ക് നേര്‍ക്ക റൂട്ട്‌സ് മുഖേന ബി.എസ്‌സി നഴ്‌സുമാരുടെ റിക്രൂട്ട്‌മെന്റ് നടത്തുന്നു.  ഡിസംബര്‍ അഞ്ച് വരെ ഓണ്‍ലൈനായി അപേക്ഷിക്കാം.  വിശദ വിവരങ്ങള്‍ക്ക് www.norkaroots.net, ടോള്‍ഫ്രീ നമ്പര്‍: 1800 425 3939.

പി.എന്‍.എക്‌സ്.5123/17

 മഴ ശക്തമായി തുടരുന്ന സാഹചര്യത്തില്‍ ഏത് അടിയന്തിര ഘട്ടങ്ങളെയും നേരിടുന്നതിനുള്ള മുന്‍കരുതല്‍ എന്ന നിലയ്ക്ക് ജില്ലയിലെ എല്ലാ വില്ലേജ്- പഞ്ചായത്ത് ഓഫീസുകളും ശനി, ഞായര്‍ ദിവസങ്ങളില്‍ തുറന്ന് പ്രവര്‍ത്തിക്കുമെന്ന് ജില്ലാ കളക്ടര്‍ ഡോ കെ. വാസുകി അറിയിച്ചു. എല്ലാ ഓഫീസുകളിലും ബന്ധപ്പെട്ട ഓഫീസര്‍മാര്‍ ഹാജരായിക്കരണമെന്നും കളക്ടര്‍ നിര്‍ദ്ദേശം നല്‍കി. താലൂക്ക് ഓഫീസുകളില്‍ തഹസീല്‍ദാര്‍, എല്‍. ആര്‍ തഹസീല്‍ദാര്‍, ആര്‍. ആര്‍ തഹസീല്‍ദാര്‍, സെപ്ഷ്യല്‍ യൂണിറ്റിലെ തഹസീല്‍ദാര്‍മാര്‍ എന്നിവരും ഹാജരായിരിക്കണം.

പി.എന്‍.എക്‌സ്.5122/17

ഫിഷറീസ് ഡെപ്യൂട്ടി ഡയറക്ടറുടെ ഓഫീസില്‍ കണ്‍ട്രോള്‍ റൂം- ഫോ: 0477-2251103. കളക്ടറേറ്റ് കണ്‍ട്രോള്‍ റൂം - 0477 2238630, ട്രോള്‍ഫ്രീ നമ്പര്‍ 1077. 

പി.എന്‍.എക്‌സ്.5121/17

ജില്ലാ കളക്ടര്‍ ടി.വി. അനുപമ കാട്ടൂരിലെയും പൊള്ളേത്തൈയിലെയും കടലാക്രമണ പ്രദേശങ്ങള്‍ സന്ദര്‍ശിച്ചു. കോര്‍ത്തുശേരിയില്‍ കടലാക്രമണ ഭീഷണി നേരിടുന്ന വീടുകള്‍ സന്ദര്‍ശിച്ച കളക്ടര്‍ നാട്ടുകാരുമായി സംസാരിച്ചു. 200 മീറ്റര്‍ ഇടവിട്ട് പുലിമുട്ട് നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. മാരാരിക്കുളം തെക്ക് പഞ്ചായത്തിലെ 23-ാംവാര്‍ഡിലെ തീരദേശത്താണ് കടലാക്രമണഭീഷണിയുള്ളത്. പഞ്ചായത്ത് പ്രസിഡന്റ് ഇന്ദിര തിലകന്‍, തഹസില്‍ദാര്‍ ആശ സി. എബ്രഹാം എന്നിവര്‍ കളക്ടര്‍ക്കൊപ്പമുണ്ടായിരുന്നു.

കൊച്ചി: മീസില്‍സ് -റുബെല്ല പ്രതിരോധകുത്തിവയ്പിനെതിരെ പ്രചരിക്കുന്ന സത്യ വിരുദ്ധമായ പ്രസ്താവനകള്‍ വിശ്വസിക്കരുതെന്ന് ബോധവത്കരണ പരിപാടി. അബദ്ധശാസ്ത്രങ്ങളുടെ പ്രചാരണമാണ് പ്രതിരോധകുത്തിവെയ്പിനെതിരെ നടക്കുന്നതെന്ന് ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ സംഘടിപ്പിച്ച പ്രതിരോധകുത്തിവെയ്പുകളെക്കുറിച്ചുള്ള ബോധവത്കരണപരിപാടിയില്‍ ക്‌ളാസുകള്‍ നയിച്ച ഡോ എം മനു  പറഞ്ഞു.