ജില്ലാ എംപ്ലോയ്‌മെന്റ് എക്‌സചേഞ്ചിലെ സ്വയംതൊഴില്‍ വിഭാഗത്തിന്റെയും കാലിക്കറ്റ് സര്‍വ്വകലാശാല എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയുടേയും സംയുക്ത ആഭിമുഖ്യത്തില്‍ യൂണിവേഴ്‌സിറ്റ്  ടാഗോര്‍ നികേതന്‍ സെമിനാര്‍ ഹാളില്‍ ഡിസംബര്‍ ആറിന് രാവിലെ 10ന് സ്വയം തൊഴില്‍ ബോധവല്‍ക്കരണ ശില്‍പശാല സംഘടിപ്പിക്കും.

ജില്ലാ പഞ്ചായത്ത് സുരക്ഷാ പദ്ധതിയുടെ ആഭിമുഖ്യത്തില്‍ ലോക എയ്ഡ്‌സ് ദിനത്തോടനുബന്ധിച്ച് 'എന്റെ ആരോഗ്യം എന്റെ അവകാശം' പ്രമേയം ആസ്പദമാക്കി ഇന്ന് (ഡിസംബര്‍ ഒന്ന്) രാവിലെ 10ന് മലപ്പുറം സിവില്‍ സ്റ്റേഷന് മുമ്പില്‍ നടത്തുന്ന സിഗ്‌നേച്ചര്‍ ക്യാമ്പയിന്‍ നടത്തും. ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്യും.  ജില്ലയിലെ പ്രധാന നഗരങ്ങളിലും വിദ്യാഭ്യാസ സ്ഥാപനങ്ങളിലും യുവജന കൂട്ടായ്മകളുടെ സഹകരണത്തോടെ ബോധവല്‍ക്കരണ പരിപാടികള്‍, ക്വിസ് പ്രോഗ്രാം, പ്രബന്ധ രചന, ചിത്ര രചന മത്സരങ്ങള്‍ എന്നിവ സംഘടിപ്പിക്കും.

സംസ്ഥാന വ്യവസായ വികസന കോര്‍പ്പറേഷനും കേരള ഇന്‍സ്റ്റിറ്റ്യൂട്ട് ഫോര്‍ എന്റ്ര്‍ പ്രണര്‍ഷിപ്പ് ഡവലപ്പ്‌മെന്റും സംയുക്തമായി എല്ലാ ജില്ലകളിലുമുള്ള 18നും 45 നും ഇടയില്‍ പ്രായമുള്ള വനിതകള്‍ക്ക് സംരഭകത്വ വികസന  പരിശീലനം നല്‍കുന്നു.  മൂന്ന് ദിവസത്തെ പരിശീലനത്തിന് ആദ്യം അപേക്ഷിക്കുന്ന 30 വനിതകളെ തിരഞ്ഞെടുക്കും.  കുറഞ്ഞ യോഗ്യത 10 -ാം  ക്ലാസ് ജയം.  അപേക്ഷാ ഫോം mw www.kied.info ല്‍ ലഭിക്കും.  ഫോണ്‍ 0484 2550322, 2532890, 9539772373.

കോട്ടക്കല്‍ ഗവ: വനിതാ പോളിടെക്‌നിക്ക് കോളേജില്‍ ഗസ്റ്റ് ലക്ചറര്‍ ഇന്‍ കൊമേഴ്‌സ് തസ്തികയിലേക്ക് അപേക്ഷ ക്ഷണിച്ചു. എം.കോം. ഒന്നാം ക്ലാസും അദ്ധ്യാപന പരിചയവുമാണ് യോഗ്യത. താല്‍പര്യമുള്ളവര്‍ ഡിസംബര്‍ നാലിന് രാവിലെ 11  ന് കൂടിക്കാഴ്ചയ്ക്ക് കോളേജില്‍ എത്തണം.

    പൊതുജന പരാതി പരിഹാര അദാലത്തുമായി ബന്ധപ്പെട്ട് ഡിസംബര്‍ നാലിന് രാവിലെ 10ന് നടത്തുന്ന പരിശീലന ക്ലാസിന് നിലമ്പൂര്‍ താലൂക്ക് പരിധിയില്‍ വരുന്ന സബ് ഓഫീസുകളിലെ ജീവനക്കാര്‍ പങ്കെടുക്കണം.  യൂസര്‍ ഐ.ഡിയും പാസ്‌വേഡും ലഭിക്കാത്ത ജില്ലാ ഓഫീസുകളിലെ ജീവനക്കാര്‍ക്കും പങ്കെടുക്കാം.  മറ്റ് താലൂക്കുകളിലെ സബ് ഓഫീസുകളിലെ ജീവനക്കാര്‍ക്കുള്ള പരിശീലനം പിന്നീട് നടക്കും.

    മൂച്ചിക്കല്‍ - മഞ്ഞളാംപടി റോഡില്‍ ഓവുപാലം പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം ഡിസംബര്‍ ആറ് മുതല്‍ പ്രവൃത്തി തീരുന്നതുവരെ നിരോധിച്ചു.  വാഹനങ്ങള്‍ മൂലക്കല്‍ - ഉണ്ണ്യാല്‍ വഴി പോകണം.

    കെ.എസ്.ഡി.സി ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്കില്‍ എടവണ്ണ വില്ലേജില്‍ ബ്ലോക്ക് 73 റീ.സര്‍വെ നമ്പര്‍ 205/22ല്‍ 0.0020 ഹെക്ടറും ബ്ലോക്ക് 73 റീ സര്‍വെ നമ്പര്‍ 205/23 ല്‍ 0.0140 ഹെക്ടര്‍ ഭൂമിയും ഡിസംബര്‍ ഏഴിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.

    ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ സ്വയംതൊഴില്‍ വിഭാഗത്തിന്റെ ആഭിമുഖ്യത്തില്‍ മാറഞ്ചേരി ഐ.ടി.ഐ ഹാളില്‍ സ്വയം തൊഴില്‍ ബോധവല്‍ക്കരണ ശില്‍പ്പശാല സംഘടിപ്പിച്ചു.  മാറഞ്ചേരി ഗ്രാമ പഞ്ചായത്ത് മെമ്പര്‍ ലീന മുഹമ്മലി ഉദ്ഘാടനം ചെയ്തു.  എംപ്ലോയ്‌മെന്റ് ഓഫീസര്‍ കെ.എം. അബ്ദുറസാഖ്, ഐ.ടി.ഐ പ്രിന്‍പ്പാള്‍ ജയ ടി.ജി തുടങ്ങിയവര്‍ പങ്കെടുത്തു.

പൊന്നാനിയില്‍  സംസ്ഥാന പട്ടികവര്‍ഗ-ജാതി വികസന വകുപ്പിന്റെ നേതൃത്വത്തില്‍ നടത്തുന്ന 'ഗദ്ദിക 2017' പരിപാടിയുടെ സംഘാടക സമിതി യോഗം ഇന്ന് (ഡിസംബര്‍ ഒന്ന്) ഉച്ചയ്ക്ക് 3.30ന് ജില്ലാ കലക്ടറുടെ ചേംബറില്‍ ചേരും.