സപ്ലൈകോ നെല്ലുസംഭരണം തുടങ്ങി ;ഇതുവരെ 172718 ടണ്‍ സംഭരിച്ചു.

സപ്ലൈകോ  20 – 21  വര്‍ഷത്തെ  നെല്ല്  സംഭരണം  ആരംഭിച്ചു.  സംസ്ഥാനത്ത്  ഇതുവരെ  172718  ടണ്‍  നെല്ല്  സംഭരിച്ചതായി  സി എം ഡി  അലി അസ്ഗര്‍ പാഷ  അറിയിച്ചു.  2021  സെപ്റ്റംബര്‍  21  നാണ്  നെല്ലു സംഭരണം  തുടങ്ങിയത്. കര്‍ഷകര്‍ക്കായി  433 കോടി രൂപ ഇതുവരെ ബാങ്കുകള്‍ക്ക്  നല്‍കി കഴിഞ്ഞു. ബാക്കി  42  കോടി രൂപ മാത്രമെ  നല്‍കാനുളളൂ.  കേന്ദ്ര സര്‍ക്കാരിന്‍റെ  താങ്ങുവിലയായ പതിനെട്ടു രൂപ അറുപത്തിയെട്ടുപൈസയും   സംസ്ഥാനസര്‍ക്കാരിന്‍റെ  ഇന്‍സെന്‍റീവായ  എട്ടു രൂപ എണ്‍പതു പൈസയും അടക്കം  കിലോക്ക്  ഇരുപത്തിയേഴു രൂപ  നാല്‍പത്തിയെട്ടു  പൈസക്കാണ്  കര്‍ഷകരില്‍  നിന്ന് സപ്ലൈകോ  നെല്ല്  സംഭരിക്കുന്നത്.