ജോലി ഒഴിവ്
കൊച്ചി: കോട്ടയം ജില്ലയിലെ സര്ക്കാര് സ്ഥാപനത്തില് സീനിയര് റെസിഡന്റ് ഡോക്ടര് തസ്തികയില് തുറന്ന (ഓപ്പണ്) വിഭാഗത്തില് ഒരു താത്കാലിക ഒഴിവ് നിലവിലുണ്ട്. യോഗ്യത എംബിബിഎസ്, എം.എസ് ജനറല് സര്ജറി/ഡിഎന്.ബി ജനറല് സര്ജറി, എംസിഎച്ച് സര്ജിക്കല് ഗ്യാസ്ട്രോളജി/ഡിഎന്ബി സര്ജിക്കല് ഗ്യാസ്ട്രോളജി, റ്റിസിഎംസി രജിസ്ട്രേഷന്, ശമ്പള സ്കെയില് 70000, പ്രായം 18-41 വയസ് (നിയമാനുസൃത വയസിളവ് ബാധകം). നിശ്ചിത യോഗ്യതയുളള തത്പരരായ ഉദ്യോഗാര്ഥികള് പ്രായം, ജാതി, വിദ്യാഭ്യാസ യോഗ്യത, തൊഴില്പരിചയം എന്നിവ തെളിയിക്കുന്നതിനുളള അസല് സര്ട്ടിഫിക്കറ്റുകള് സഹിതം ഒക്ടോബര് 20-ന് മുമ്പ് ബന്ധപ്പെട്ട പ്രൊഫഷണല് ആന്റ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചില് ഓണ്ലൈനില് പേര് രജിസ്റ്റര് ചെയ്യണം. നിലവില് ജോലി ചെയ്തുകൊണ്ടിരിക്കുന്നവര് ബന്ധപ്പെട്ട നിയമനാധികാരിയില് നിന്നുളള എന് ഒ സി ഹാജരാക്കേണ്ടതാണ്. 1960 ലെ ഷോപ്സ് ആന്റ് കൊമേഴ്സ്യല് എസ്റ്റാബ്ലിഷ്മെന്റ് നിയമനത്തിന് കീഴില് വരുന്ന സ്ഥാപനങ്ങളില് നിന്നു ലഭിക്കുന്ന തൊഴില് പരിചയ സല്ര്ട്ടിഫിക്കറ്റുകള് അസിസ്റ്റന്റ് ലേബര് ഓഫീസര് ഗ്രേഡ് രണ്ട് ഉം ഫാക്ടറി ആക്ടിന് കീഴില് വരുന്ന സ്ഥാപനങ്ങളില് നിന്ന് ലഭിക്കുന്ന തൊഴില് പരിചയ സര്ട്ടിഫിക്കറ്റുകള് ഫാക്ടറി ഇന്സ്പെക്ടര്/ജോയിന്റ് ഡയറക്ടര് സാക്ഷ്യപ്പെടുത്തിയിരിക്കണം.
- Log in to post comments