ട്രാൻസ്ലേഷണൽ എൻജിനിയറിങ്ങിൽ സ്പോട്ട് അഡ്മിഷൻ  

ബാർട്ടൺഹിൽ ഗവണ്മെന്റ് എൻജിനിയറിംഗ് കോളേജിലെ എം.ടെക് ട്രാൻസ്ലേഷണൽ എൻജിനിയറിംഗ് കോഴ്‌സിലേയ്ക് ഒഴിവുള്ള സീറ്റുകളിലേക്ക് ഒക്ടോബർ 9 ന് സ്‌പോട്ട് അഡ്മിഷൻ നടത്തും. ബി.ഇ/ബി.ടെക് ഡിഗ്രി എടുത്തവർക്കും സാങ്കേതിക വിദ്യാഭ്യാസ വകുപ്പിൻറെ MCAP പോർട്ടലിൽ രജിസ്റ്റർ ചെയ്യാത്തവർക്കും സ്‌പോട്ട് അഡ്മിഷനിൽ പങ്കെടുക്കാം. ഒന്നാം വർഷ കോഴ്‌സ് വർക്ക്, ബാർട്ടൺഹിൽ ഗവണ്മെന്റ് എൻജിനിയറിംഗ് കോളേജിലും, രണ്ടാം വർഷം ക്രെഡിറ്റ് ട്രാൻസ്ഫർ സംവിധാനത്തിലൂടെ ഐഐടികളിൽ പ്രോജക്ട് വർക്കും ഇന്റേൺഷിപ്പും ചെയ്യുവാനുള്ള അവസരവുമുണ്ട്. സർക്കാർ മേഖലയിൽ ജോലി ചെയ്യുന്നവർക്കായി സംവരണം ചെയ്തിട്ടുള്ള സീറ്റുകളിലും ഒഴിവുണ്ട്. സാങ്കേതിക വിദ്യാഭ്യാസവകുപ്പ് നൽകുന്ന സംവരണ ആനുകൂല്യം ഈ കോഴ്‌സിനും ബാധകമായിരിക്കും. GATE യോഗ്യത ഉള്ളവർക്ക് AICTE യുടെ സ്‌കോളർഷിപ്പ് ലഭിക്കും. എസ്.സി/എസ്.ടി/ഒഇസി സംവരണ വിഭാഗക്കാർക്ക് ഫ്രീ ആയി പഠിക്കുവാനുള്ള അവസരവുമുണ്ട്. രാവിലെ 10 മണിക്ക് അസൽ സർട്ടിഫിക്കറ്റുകളുമായി ബാർട്ടൺഹിൽ ഗവണ്മെന്റ് എൻജിനിയറിംഗ് കോളേജിൽ ഹാജരാകണം. കൂടുതൽ വിവരങ്ങൾക്ക്: www.gecbh.ac.in, www.tplc.gecbh.ac.in. ഫോൺ: 7736136161, 9995527866, 9995527865.

പി.എൻ.എക്‌സ്. 4477/2024