ചിരാത്‌ - 2024: പോസ്റ്റർ രചനാ മത്സര വിജയികൾക്ക് സമ്മാനം നൽകി
ദേശീയ ക്ഷയരോഗ നിര്‍മാര്‍ജന പരിപാടിയുടെ ആഭിമുഖ്യത്തില്‍ എറണാകുളം ജില്ലാ ആരോഗ്യ വകുപ്പും പൊതുവിദ്യാഭ്യാസ വകുപ്പും സംയുക്തമായി ജില്ലയിലെ സ്‌കൂള്‍ വിദ്യാര്‍ത്ഥികള്‍ക്കിടയില്‍ സംഘടിപ്പിച്ച പോസ്റ്റര്‍ രചനാ മത്സരത്തിലെ വിജയികള്‍ക്കുള്ള പുരസ്കാരങ്ങള്‍ സമ്മാനിച്ചു. ജില്ലയിലെ നാല് വിദ്യാഭ്യാസ ഉപജില്ലകളില്‍ നിന്നും പന്ത്രണ്ട്‌ വിദ്യാര്‍ത്ഥികള്‍ പുരസ്കാരങ്ങള്‍ക്ക്‌ അര്‍ഹരായി.
കാക്കനാട്‌ കളക്ടറേറ്റ്‌ സ്പാർക്ക് ഹാളില്‍ നടന്ന ചടങ്ങില്‍ ജില്ലാ കളക്ടര്‍ എൻ. എസ്.കെ. ഉമേഷ്‌ പുരസ്കാരങ്ങള്‍ വിതരണം ചെയ്തു.
ജില്ലാ മെഡിക്കല്‍ ഓഫിസര്‍ ഡോ. ആശാദേവി, ഡെപ്യൂട്ടി ഡി. എം. ഓ. ഡോ. സവിത, ജില്ലാ ടി.ബി. ഓഫീസര്‍ ഡോ. വി.എം. സുനിത, ജില്ലാ ക്ഷയരോഗ കേന്ദ്രം സീനിയര്‍ കണ്‍സള്‍ട്ടന്റ്‌ ഡോ. മുഹമ്മദ്‌ സലിം, എൻ ടി ഇ പി - ഡബ്ല്യു എച്ച് ഒ കണ്‍സള്‍ട്ടന്റ്‌ ഡോ. എ.വി. ഗായത്രി, മട്ടാഞ്ചേരി സ്ത്രീകളുടെയും കുട്ടികളുടെയും ആശുപത്രി സൂപ്രണ്ട്‌ ഡോ. സിസിലി തങ്കച്ചന്‍ തുടങ്ങിയവരും വിവിധ ഉദ്യോഗസ്ഥരും മെഡിക്കല്‍ കോളേജുകളില്‍ നിന്നുള്ള പ്രതിനിധികളും സമ്മാനാര്‍ഹരായ വിദ്യാര്‍ത്ഥികളുടെ രക്ഷിതാക്കളും പങ്കെടുത്തു.
- Log in to post comments