പട്ടയമേള: ഇരിക്കൂറിൽ 123 പട്ടയങ്ങൾ വിതരണം ചെയ്തു

ഇരിക്കൂർ നിയോജക മണ്ഡല പട്ടയ മേളയിൽ 26 എൽഎ പട്ടയങ്ങളും 97 ലാൻഡ്  ട്രൈബ്യൂണൽ പട്ടയങ്ങളുമുൾപ്പടെ 123 പട്ടയങ്ങൾ വിതരണം ചെയ്തു. പട്ടയ വിതരണത്തിന്റെ ഉദ്ഘാടനം റവന്യു, ഭവന നിർമ്മാണ വകുപ്പ് മന്ത്രി കെ. രാജൻ ഓൺലൈനായി നിർവഹിച്ചു. ഭൂരഹിതരില്ലാത്ത കേരളം എന്ന സ്വപ്നത്തിലേക്ക് അതിവേഗം സഞ്ചരിക്കുന്ന ഈ ഘട്ടത്തിൽ ഡിജിറ്റൽ റവന്യൂ കാർഡ് എല്ലാവരുടെയും കൈകളിൽ ഈ സാമ്പത്തിക വർഷം തന്നെ എത്തുമെന്ന് മന്ത്രി പറഞ്ഞു. 50 വർഷത്തിലധികമായി നിലനിൽക്കുന്ന പട്ടയ പ്രശ്‌നങ്ങളാണ് പട്ടയ ഡാഷ്‌ബോർഡിൽ ഉൾപ്പെടുത്തി പരിഹരിക്കാൻ സാധിച്ചത്. കഴിഞ്ഞ ഒൻപത് വർഷത്തിനുള്ളിൽ സംസ്ഥാനത്ത് നാല് ലക്ഷത്തി ഒൻപതിനായിരത്തോളം പട്ടയങ്ങൾ വിതരണം ചെയ്യാൻ സാധിച്ചത് ശ്രദ്ധേയമായ കാര്യമാണെന്നും അദ്ദേഹം കൂട്ടിച്ചേർത്തു.

ഇരിക്കൂർ ബ്ലോക്ക് പഞ്ചായത്ത് ഹാളിൽ നടന്ന പരിപാടിയിൽ അഡ്വ. സജീവ് ജോസഫ് എം എൽ എ അധ്യക്ഷനായി. അർഹരായവർക്കുള്ള പട്ടയങ്ങൾ എം എൽ എ വിതരണം ചെയ്തു. ശ്രീകണ്ഠാപുരം നഗരസഭ ചെയർപേഴ്‌സൺ ഡോ കെ.വി ഫിലോമിന, ഇരിക്കൂർ ഗ്രാമപഞ്ചായത്ത് പ്രസിഡന്റ് ടി.പി ഫാത്തിമ, തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് സി.എം കൃഷ്ണൻ, നടുവിൽ ഗ്രാമപഞ്ചായത്ത് പ്രസിഡന്റ് ബേബി ഒടമ്പള്ളിൽ, പയ്യാവൂർ ഗ്രാമപഞ്ചായത്ത് പ്രസിഡന്റ് അഡ്വ. സാജു സേവ്യർ, ഉദയഗിരി ഗ്രാമപഞ്ചായത്ത് പ്രസിഡന്റ്  കെ.എസ് ചന്ദ്രശേഖരൻ, ചെങ്ങളായി ഗ്രാമപഞ്ചായത്ത് പ്രസിഡന്റ് വി.പി മോഹനൻ, ആലക്കോട് ഗ്രാമപഞ്ചായത്ത് പ്രസിഡന്റ് ജോജി കന്നിക്കാട്ട്, എരുവേശ്ശി ഗ്രാമപഞ്ചായത്ത് പ്രസിഡന്റ് മിനി ഷൈബി, ഉളിക്കൽ ഗ്രാമപഞ്ചായത്ത് പ്രസിഡന്റ് പി.സി ഷാജി, ജില്ലാ പഞ്ചായത്ത് അംഗം പി ശ്രീധരൻ, ബ്ലോക്ക് പഞ്ചായത്ത് അംഗം സി.വി.എൻ യാസിറ, ഡെപ്യൂട്ടി കലക്ടർ സി എം ലത, തളിപ്പറമ്പ ആർ ഡി ഒ സി.കെ ഷാജി, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുത്തു.