അടിസ്ഥാന വര്‍ഗ്ഗ വികസന കാര്യത്തില്‍ സര്‍ക്കാര്‍ നടത്തുന്നത് ശ്രദ്ധേയമായ ഇടപെടല്‍: സജി ചെറിയാന്‍ എം.എല്‍.എ
അടിസ്ഥാന വര്‍ഗ്ഗ വികസന കാര്യത്തില്‍ സര്‍ക്കാര്‍ നടത്തുന്നത് ശ്രദ്ധേയമായ ഇടപെടല്‍: സജി ചെറിയാന്‍ എം.എല്‍.എ
മാവേലിക്കര: പട്ടികജാതി-പട്ടിക വര്‍ഗ്ഗ വിഭാഗങ്ങളുടെ വികസന കാര്യത്തില്‍ സംസ്ഥാന സര്‍ക്കാര്‍ നടത്തുന്നത് സമാനതകളില്ലാത്ത ഇടപെടലെന്ന് സജി ചെറിയാന്‍ എം.എല്‍.എ. ഗദ്ദിക പോലെയുള്ള അടിസ്ഥാന ജനവിഭാഗങ്ങളുടെ മുന്നേറ്റം മുന്‍നിര്‍ത്തിയുള്ള മേളകളും പ്രവര്‍ത്തനങ്ങളും ഇതിന്റെ ഉദാഹരണങ്ങളാണ്. ഗദ്ദിക മേളയുടെ മൂന്നാം ദിനം നടന്ന സാംസ്‌കാരിക സായാഹ്നം ഉദ്ഘാടനം ചെയ്ത് സംസാരിക്കുകയായിരുന്നു എം.എല്‍.എ. രാജ്യത്തെ പല ഭാഗങ്ങളിലും പട്ടികജാതി വിഭാഗങ്ങള്‍ പ്രയാസങ്ങള്‍ അനുഭവിക്കുമ്പോഴും അടിസ്ഥാന വര്‍ഗ്ഗങ്ങളുടെ വികസന കാര്യത്തില്‍ കേരളം മുന്നില്‍ നില്‍ക്കുന്നുവെന്നും അദ്ധേഹം കൂട്ടിച്ചേര്‍ത്തു.
ചെട്ടികുളങ്ങര ഗ്രാമപഞ്ചായത്ത് പ്രസിഡന്റ് സി.കൃഷ്ണമ്മ സാംസ്‌കാരിക സായാഹ്നത്തില്‍ അദ്ധ്യക്ഷത വഹിച്ചു. , ആര്‍.രാജേഷ് എം.എല്‍.എ, സംവിധായകന്‍ മധു ഇറവണ്‍കര, തിരക്കഥാകൃത്ത് പ്രവീണ്‍ ഇറവണ്‍കര, മാവേലിക്കര നഗരസഭ ചെയര്‍പേഴ്‌സണ്‍ ലീലാ അഭിലാഷ്, ബ്ലോക്ക് പഞ്ചായത്ത് പ്രസിഡന്റ് കെ.രഘുപ്രസാദ്, അജന്ത പ്രസാദ് എന്നിവര്‍ സംസാരിച്ചു
- Log in to post comments