ബാല സൗഹൃദ പഞ്ചായത്തിലേക്കുള്ള ആദ്യ ചുവടുവെയ്പ്പുമായി കഞ്ഞിക്കുഴി ബ്ലോക്ക് പഞ്ചായത്ത്
ആലപ്പുഴ: ബാല സൗഹൃദ ബ്ലോക്ക് പഞ്ചായത്താകാനുള്ള ആദ്യ ചുവടു വെയ്പ്പ് കഞ്ഞിക്കുഴി ആരംഭിച്ചു. ബ്ലോക്ക് പഞ്ചായത്ത് വനിതാ- ശിശു വികസന വകുപ്പും കഞ്ഞിക്കുഴി ബ്ലോക്ക് പഞ്ചായത്തും സംയുക്തമായി ബാല സൗഹൃദ ബ്ലോക്ക് പഞ്ചായത്തിനായുള്ള വിവര ശേഖരണം തുടങ്ങി. ബ്ലോക്ക് പഞ്ചായത്തിനു കീഴിലുള്ള അഞ്ചു പഞ്ചായത്തുകളിലാണ് വിവര ശേഖരണം നടത്തുന്നത്.
വിവര ശേഖരണത്തിലൂടെ കുട്ടികളുടെ അവസ്ഥാ പഠനം നടത്തി അവരുടെ പുരോഗതിക്കായി പദ്ധതികള് ആവിഷ്ക്കരിച്ചു നടപ്പാക്കുകയാണ് പദ്ധതിയുടെ ലക്ഷ്യം. പഞ്ചായത്തുകളിലെ നവജാത ശിശുക്കള് മുതല് 18 വയസ് വരെയുള്ള കുട്ടികളുടെ അവസ്ഥാ പഠനമാണ് നടത്തുകയെന്ന് ബ്ലോക്കിലെ ശിശു വികസന വകുപ്പ് ഉദ്യോഗസ്ഥ രതിമണി പറഞ്ഞു.
വിവര ശേഖരണത്തിനായി 2019-2020 വാര്ഷികപദ്ധതിപ്രകാരം 2 ലക്ഷം രൂപയാണ് നീക്കിവെച്ചിട്ടുള്ളത്.
ഓരോ പഞ്ചായത്തുകളിലെയും കുട്ടികളുടെ പോഷകാഹാരം, ലിംഗം തിരിച്ചുള്ള കണക്കുകള്, വിദ്യാഭ്യാസം, പ്രതിരോധ കുത്തിവെപ്പ്, സാക്ഷരത, ഇതര സംസ്ഥാന തൊഴിലാളികളുടെ കുട്ടികള്, ഭിന്നശേഷിക്കാരായ കുട്ടികള്, ശിശു മരണ നിരക്ക്, ബാല മരണങ്ങള്, അംഗനവാടികളുടെ എണ്ണം, സ്കൂളുകള്, പ്രാഥമിക ആരോഗ്യ കേന്ദ്രങ്ങള്, കുട്ടികളുടെ മാനസിക ആരോഗ്യം, അനാഥാലയങ്ങളില് സംരക്ഷിക്കപ്പെടുന്ന കുട്ടികള്, കുട്ടികളുടെ ലൈബ്രറി, കുട്ടികളുടെ പാര്ക്, പൊതു കളി സ്ഥലം, ബാല സഭ തുടങ്ങി നൂറോളം ചോദ്ദ്യാവലികള് അടങ്ങുന്നതാണ് വിവര ശേഖരണം. വീടുകള്, സ്കൂള്, അംഗന്വാടികള് എന്നിവിടങ്ങളില് നേരിട്ടെത്തിയായാണ് വിവരശേഖരണം നടത്തുന്നത്. അംഗന്വാടി പ്രവര്ത്തകര്, കുടുംബശ്രീ, എ.ഡി.എസ് പ്രവര്ത്തകര് എന്നിവരുടെ സഹായത്തോടെയാണ് വിവര ശേഖരണം പൂര്ത്തിയാക്കുക.
അഞ്ചു പഞ്ചായത്തുകളിലും 5 ദിവസത്തിനുളളില് വിവരശേഖരണം പൂര്ത്തിയാക്കാനാണ് ലക്ഷ്യമിടുന്നത്. തുടര്ന്ന് ബ്ലോക്കു തലത്തില് ക്രോഡീകരണം നടക്കും.
- Log in to post comments