വോട്ടവകാശം ബുദ്ധിപൂര്വമായി വിനിയോഗിക്കണം :എ.എസ്.പി മുഹമ്മദ് റാഫി
തിരഞ്ഞെടുപ്പ് ബോധവല്ക്കരണത്തിന്റെ ഭാഗമായി ജില്ലാസ്വീപ് ടീമിന്റെ നേതൃത്വത്തില് ചെറുതോണിയില് ഫ്ളാഷ് മോബും സ്കിറ്റും കുട്ടികളുടെ കലാപരിപാടികളും അരങ്ങേറി. ചെറുതോണി ബസ് സ്റ്റാന്റ് കേന്ദ്രീകരിച്ചു നടന്ന ബോധവത്ക്കരണ പരിപാടി എ.എസ്.പി മുഹമ്മദ് റാഫി ഉദ്ഘാടനം ചെയ്തു. ഒരു വോട്ടു പോലും പാഴാക്കപ്പെടരുതെന്നും വോട്ടവകാശം ബുദ്ധിപൂര്വമായി വിനിയോഗിക്കണം എന്നും ജനാധിപത്യ പ്രക്രിയയില് ഏവരും പങ്കാളികളാകണമെന്നും അദ്ദേഹം പറഞ്ഞു. വോട്ടു ചെയ്യേണ്ടതിന്റെ പ്രാധാന്യം ദൃശ്യാവിഷ്കരിച്ച് കട്ടപ്പന ഓസാനം സ്കൂളിലെ സ്റ്റുഡന്റ് പോലീസ് കേഡറ്റുകള് അവതരിപ്പിച്ച 'വോട്ട് എന്റെ അവകാശം' സ്കിറ്റും ഫ്ളാഷ് മോബും ജനശ്രദ്ധ നേടി. തുടര്ന്ന് തൊടുപുഴ ആസ്ഥാനമാക്കി പ്രവര്ത്തിക്കുന്ന മദര് ആന്റ് ചൈല്ഡ് ഫൗണ്ടേഷനു കീഴിലുള്ള അക്ഷയ, ആദര്ശ് എന്നീ സ്ഥാപനങ്ങളിലെ കുട്ടികളുടെ ബെന്-ബാന്ഡ് മ്യൂസിക് ബാന്ഡ് അവതരിപ്പിച്ച വിവിധ പരിപാടികള് വ്യത്യസ്ഥത പുലര്ത്തി. അനൂപ്,സ്നേഹ,റെയ്ച്ചല്,ആല്ബിന്,ഏലിയാസ്,തോമസ്കുട്ടി,ദീപക് എന്നിവരാണ് സിനിമാഗാനങ്ങള്ക്കൊപ്പം സാക്സാഫോണിലും വയലിനിലും ഓടക്കുഴലിലുംസംഗീതം തീര്ത്ത് തിരഞ്ഞെടുപ്പ് ബോധവത്ക്കരണ പ്രക്രിയയില് പങ്കാളികളായത്.
പൊതുജനങ്ങള്ക്ക് പരിശീലന വോട്ടു ചെയ്ത് വോട്ടിംഗ് യന്ത്രവും വി വി പാറ്റ് സംവിധാനവും മനസിലാക്കുന്നതിനുള്ള സൗകര്യവും പരിപാടിയുടെ ഭാഗമായി ക്രമീകരിച്ചിരുന്നു. സ്വീപ് നോഡല് ഓഫീസര് കെ.എസ്. ശ്രീകല, സ്വീപ് ടീം അംഗങ്ങളായ എം. ആര്. ശ്രീകാന്ത്, ശ്രീജ, അനസ്, പ്രമോദ് തുടങ്ങിയവര് പങ്കെടുത്തു.
- Log in to post comments