സ്കൂൾ വാഹനങ്ങളുടെ സാങ്കേതിക ക്ഷമതാ പരീക്ഷ 24 മുതൽ
കാക്കനാട്: എറണാകുളം ആർ.ടി.ഓഫീസിന്റെ പരിധിയിലുള്ള വിദ്യാഭ്യാസ സ്ഥാപനങ്ങളിൽ സേവനം നടത്തുന്ന സ്കൂൾ വാഹനങ്ങളുടെ സാങ്കേതിക ക്ഷമതാ പരീക്ഷ മെയ് 24 മുതൽ 29 വരെ കാക്കനാട് ഇൻഫോപാർക്ക് റോഡിൽ നടത്തുമെന്ന് ആർ ടി ഒ അറിയിച്ചു. വാഹനങ്ങൾ രാവിലെ എട്ട് മണിക്ക് ഹാജരാക്കണം. വിദ്യാഭ്യാസ സ്ഥാപനങ്ങളുടെ ഉടമസ്ഥതയിലുള്ള വാഹനങ്ങളും വിദ്യാർത്ഥികളെ കയറ്റി വിദ്യാഭ്യാസ സ്ഥാപനങ്ങളിലേക്ക് വരികയും പോവുകയും ചെയ്യുന്ന വാഹനങ്ങളുമാണ് പരിശോധിക്കുക. മെയ് 28ന് രാവിലെ ഒമ്പതു മുതൽ കാക്കനാട് രാജഗിരി കോളേജ് ഓഫ് മാനേജ്മെന്റ് ആൻറ് അപ്ലൈഡ് സയൻസ് ഓഡിറ്റോറിയത്തിൽ മോട്ടോർ വാഹന വകുപ്പ് നടത്തുന്ന ബോധവൽകരണ ക്ലാസ്സിൽ ഈ വാഹനങ്ങളിലെ ഡ്രൈവർമാരും അറ്റൻഡർമാരും ബന്ധപ്പെട്ട അധികൃതരും പങ്കെടുക്കണമെന്നും ആർടിഒ അറിയിച്ചു. വാഹനങ്ങളുടെ സമ്പൂർണ്ണ വിവരമടങ്ങിയ ലിസ്റ്റ് എല്ലാ വിദ്യാഭ്യാസ സ്ഥാപന അധികൃതരും മെയ് 29നകം എറണാകുളം ആർ ടി ഓഫീസിൽ ഹാജരാക്കണം. പരിശോധന പൂർത്തിയായ വാഹനങ്ങൾക്കു നൽകുന്ന സുരക്ഷാ സ്റ്റിക്കർ വാഹനങ്ങളിൽ പ്രദർശിപ്പിക്കണം. അല്ലാത്ത സ്കൂൾ വാഹനങ്ങൾ ജൂൺ ഒന്നു മുതൽ നിരത്തിലോടാൻ അനുവദിക്കില്ല.
- Log in to post comments