കൃഷ്ണയ്യരുടെ വസതി സ്പെഷ്യൽ ഓഫീസർ സന്ദർശിച്ചു

നിയമ പഠന ഗവേഷണ കേന്ദ്രമാക്കുന്നതിന് സംസ്ഥാന സർക്കാർ ഏറ്റെടുക്കുന്ന ജസ്റ്റിസ് വി.ആർ കൃഷ്ണയ്യരുടെ എറണാകുളം എം.ജി റോഡിലെ വസതി – സദ്ഗമയ സർക്കാർ ഇതിനായി നിയോഗിച്ച സ്പെഷ്യൽ ഓഫീസർ എ൯. ജീവ൯ സന്ദർശിച്ചു. തഹസിൽദാർ രഞ്ജിത് ജോർജ്, വില്ലേജ് ഓഫീസർ വി.സി. രാജേന്ദ്ര൯, ടി. പ്രതാപ൯ എന്നിവരും സ്പെഷ്യൽ ഓഫീസർക്കൊപ്പമുണ്ടായിരുന്നു. സദ്ഗമയ ഏറ്റെടുത്ത് നിയമപഠന ഗവേഷണ കേന്ദ്രമായി വികസിപ്പിക്കുന്നതിന് ബജറ്റിൽ തുക വകയിരുത്തിയിരുന്നു.