എന്റെ കേരളം പ്രചാരണ കലാജാഥയ്ക്ക് ഒല്ലൂർ മണ്ഡലത്തിൽ സ്വീകരണം നൽകി

എന്റെ കേരളം പ്രദർശന വിപണമേളയുടെ പ്രചരണാർത്ഥമുള്ള കലാജാഥ ഒല്ലൂർ മണ്ഡലത്തിൽ പര്യടനം നടത്തി. മാന്ദാമംഗലം, മരത്താക്കര ,ഒല്ലൂർ, പുത്തൂർ, കുട്ടനെലൂർ, ആനക്കല്ല് എന്നിവിടങ്ങളിൽ കലാജാഥയ്ക്ക് മികച്ച വരവേൽപ്പാണ് ലഭിച്ചത്. കൊച്ചിന്‍ കലാഭവന്‍ രാജേഷിന്റെ നേതൃത്വത്തില്‍ രംഗശ്രീ പ്രവര്‍ത്തകര്‍ ഉള്‍പ്പെടെയുള്ള കലാകാരന്മാരാണ് ജാഥ നയിക്കുന്നത്. 

ജനപ്രതിനിധികളും കുടുംബശ്രീ പ്രവർത്തകരും കലാജാഥയെ അനുഗമിച്ചു. എന്റെ കേരളം പ്രദർശന വിപണന മേളയുടെ വിളംബര വീഡിയോകളും കലാജാഥയിൽ പ്രദര്‍ശിപ്പിച്ചു. പലയിടങ്ങളിലും കലാജാഥയ്‌ക്കൊപ്പം കുടുംബശ്രീ പ്രവർത്തകർ അവതരിപ്പിച്ച കലാപരിപാടികൾ ജാഥയ്ക്ക് കൊഴുപ്പേകി. 
കലാജാഥ ഞായറാഴ്ച ഇരിങ്ങാലക്കുട മണ്ഡലത്തിലാണ് എത്തുക. വെള്ളാങ്കല്ലൂർ, ഇരിങ്ങാലക്കുട ബസ് സ്റ്റാൻഡ്, ഠാണ, മാപ്രാണം, കരുവന്നൂർ, ചേർപ്പ് എന്നിവിടങ്ങളിലൂടെ ജാഥ പര്യടനം നടത്തും.

കുടുംബശ്രീ ജില്ലാ മിഷന്റെയും ജില്ലാ ഇന്‍ഫര്‍മേഷന്‍ ഓഫീസിന്റെയും നേതൃത്വത്തിലാണ് കലാജാഥ സംഘടിപ്പിക്കുന്നത്. പാട്ടും അഭിനയവും മിമിക്രിയും ഉള്‍പ്പെടെ വിവിധ പരിപാടികളിലൂടെ എന്റെ കേരളം എക്‌സിബിഷന്റെ സന്ദേശം ജനങ്ങളിലെത്തിക്കുകയാണ് ലക്ഷ്യം. എട്ട് ദിവസങ്ങളിലായി ജില്ലയിലെ 13 നിയോജക മണ്ഡലത്തിലും പര്യടനം നടത്തുന്ന കലാജാഥ മെയ് 8ന് തൃശൂരില്‍ സമാപിക്കും.