ഇന്നും (സെപ്റ്റംബര് 30) നാളെയും ഒറ്റപ്പെട്ട ശക്തമായ മഴയ്ക്ക് സാധ്യത
കേരളത്തില് അടുത്ത അഞ്ച് ദിവസം മിതമായ / ഇടത്തരം മഴ / ഇടി / മിന്നല് തുടരാനും ഇന്നും (സെപ്റ്റംബര് 30) നാളെയും ഒറ്റപ്പെട്ട ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മധ്യ കിഴക്കന് അറബിക്കടലില് കൊങ്കണ് - ഗോവ തീരത്തിന് സമീപം രൂപപ്പെട്ട ശക്തി കൂടിയ ന്യൂനമര്ദം തീവ്രന്യൂനമര്ദമായി മാറി. ഇന്ന് രാത്രിയോടെ പഞ്ചിമിനും രത്നഗിരിക്കും ഇടയില് കരയില് പ്രവേശിക്കാന് സാധ്യത. വടക്ക് പടിഞ്ഞാറ് ബംഗാള് ഉള്ക്കടലിന് മുകളിലായി സ്ഥിതിചെയ്യുന്ന ശക്തി കൂടിയ ന്യൂനമര്ദം അടുത്ത 24 മണിക്കൂറിനുള്ളില് പടിഞ്ഞാറ് -വടക്ക് പടിഞ്ഞാറ് ദിശയില് സഞ്ചരിച്ച്- പശ്ചിമ ബംഗാള് തീരത്തേക്ക് നീങ്ങാന് സാധ്യത. തെക്ക് പടിഞ്ഞാറ് ബംഗാള് ഉള്ക്കടലില് തമിഴ്നാട് തീരത്തിന് സമീപം ചക്രവാതച്ചുഴി നിലനില്ക്കുന്നുണ്ട്. ഇതിന്റെ സ്വാധീനഫലമായാണ് മഴ പ്രതീക്ഷിക്കുന്നത്.
- Log in to post comments