നാഷണല്‍ ലോക് അദാലത്ത് ഡിസംബര്‍ ഒന്‍പതിന്

സംസ്ഥാന ലീഗല്‍ സര്‍വീസസ് അതോറിറ്റി, ജില്ലാ ലീഗല്‍ സര്‍വീസസ് അതോറിറ്റി എന്നിവയുടെ ആഭിമുഖ്യത്തില്‍ ഡിസംബര്‍ ഒന്‍പതിന് നാഷണല്‍ ലോക് അദാലത്ത് സംഘടിപ്പിക്കുന്നു. എം.എ.സി.ടി കേസുകള്‍, സിവില്‍ കേസുകള്‍, വിവാഹമോചനം ഒഴികെയുള്ള കുടുംബതര്‍ക്കങ്ങള്‍, കോമ്പൗണ്ടബിള്‍ ക്രിമിനല്‍ കേസുകള്‍, മണി റിക്കവറി കേസുകള്‍ എന്നിവ ഉള്‍പ്പെടെ ജില്ലയിലെ വിവിധ കോടതികളില്‍ നിലവിലുള്ള കേസുകള്‍ അദാലത്തില്‍ പരിഗണിക്കും. കോടതികളില്‍ എത്തുന്നതിന് മുന്‍പുള്ള തര്‍ക്കങ്ങളും പരിഗണിക്കും. കോടതികളില്‍ നിലവിലുള്ള കേസുകള്‍ അദാലത്തില്‍ തീര്‍പ്പാക്കുകയാണെങ്കില്‍ മുഴുവന്‍ കോര്‍ട്ട് ഫീസും തിരികെ ലഭിക്കും.
പരാതികളും അപേക്ഷകളും ഓഫീസുകളില്‍ നേരിട്ടോ തപാല്‍, ഇ-മെയില്‍ വഴിയോ അയക്കാം. സെക്രട്ടറി ജില്ലാ ലീഗല്‍ സര്‍വീസസ് അതോറിറ്റി പാലക്കാട്-dlsapkd@gmail.com,  സെക്രട്ടറി താലൂക്ക് ലീഗല്‍ സര്‍വീസസ് കമ്മിറ്റി-പാലക്കാട് tlscpkd@gmail.com, സെക്രട്ടറി താലൂക്ക് ലീഗല്‍ സര്‍വീസസ് കമ്മിറ്റി ചിറ്റൂര്‍- tlscchittur@gmail.com,  താലൂക്ക് ലീഗല്‍ സര്‍വീസസ് കമ്മിറ്റി ഒറ്റപ്പാലം - tlscottapalam@gmail.com,  സെക്രട്ടറി താലൂക്ക് ലീഗല്‍ സര്‍വീസസ് കമ്മിറ്റി ആലത്തൂര്‍- tlscalathur@gmail.com, സെക്രട്ടറി താലൂക്ക് ലീഗല്‍ സര്‍വീസ് കമ്മിറ്റി മണ്ണാര്‍ക്കാട് - tlscmnrkd@gmail.com. ഫോണ്‍: 9188524181