മോട്ടോര് തൊഴിലാളി ക്ഷേമനിധി ബോര്ഡ് ഓണ്ലൈനിലേക്ക്
കേരള മോട്ടോര് തൊഴിലാളി ക്ഷേമനിധി ബോര്ഡില് അംഗങ്ങളായ ഉടമകള്ക്കും തൊഴിലാളികള്ക്കും അംശദായം അടയ്ക്കുന്നതിനായി ഓണ്ലൈന് പേയ്മെന്റ് സംവിധാനം ഏര്പ്പെടുത്തി. കേരള സ്റ്റേറ്റ് ഐ.റ്റി മിഷന്റെ കീഴിലുള്ള ഇ-ഡിസ്ട്രിക്ട് പദ്ധതി വഴി കേരളത്തിലെ 2800 അക്ഷയ കേന്ദ്രങ്ങള് വഴി സര്ക്കാര് നിശ്ചയിച്ചിട്ടുളള ഫീസ് നല്കിയും, ജില്ലാ ആസ്ഥാനങ്ങളിലുളള 14 ഫ്രണ്ട്സ് ജനസേവന കേന്ദ്രങ്ങള് വഴി സൗജന്യമായും ക്ഷേമനിധി അംശദായം അടയ്ക്കുവാന് സൗകര്യം ലഭിക്കും. കൂടാതെ ഇ ഡിസ്ട്രിക്ട് പബ്ലിക് പോര്ട്ടല് https://edistrict.kerala.gov.in വഴിയും വിഹിതം അടക്കാം.
ഓണ്ലൈന് പേയ്മെന്റ് : www.kmtwwfb.org എന്ന വെബ്സൈറ്റില് e-pay എന്ന ലിങ്ക് വഴി ക്രെഡിറ്റ്/ ഡെബിറ്റ് കാര്ഡ് / ഇന്റര്നെറ്റ് ബാങ്കിംഗ് എന്നിവയില് ഏതെങ്കിലും ഉപയോഗിച്ച് കേരള മോട്ടോര് തൊഴിലാളി ക്ഷേമനിധിയിലേയ്ക്ക് ഉടമ / തൊഴിലാളി അംശദായം അടക്കാം.
- Log in to post comments