നൈപുണ്യ പരിശീലനം

ജില്ലാ വ്യവസായ കേന്ദ്രവും അസാപ് കേരളയും ചേര്‍ന്ന് പാണ്ടിക്കാട് വെച്ച് ജനുവരി മാസത്തില്‍ ആര്‍ട്ടിസനല്‍ ബേക്കറി, ഇന്റീരിയര്‍ ഡിസൈനിങ് വിഭാഗങ്ങളിലായി നൈപുണ്യ പരിശീലനം നല്‍കുന്നു. ആര്‍ട്ടിസനല്‍ ബേക്കറിക്ക് പത്താം ക്ലാസും ഇന്റീരിയര്‍ ഡിസൈനിങിന് ഐ.ടി.ഐ/ പോളിടെക്‌നിക്/ ഡിഗ്രിയുമാണ് യോഗ്യത. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റ്, തിരിച്ചറിയല്‍ രേഖകള്‍ എന്നിവ സഹിതം ജനുവരി 5 ന് രാവിലെ 10.30 ന് മലപ്പുറം സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ വ്യവസായ കേന്ദ്രത്തില്‍ എത്തിച്ചേരണം. ഫോണ്‍: 0483 273 7405, 9446 504417.