സംസ്ഥാന സ്കൂൾ കലോത്സവം; മീഡിയ റൂം ഉദ്ഘാടനം ചെയ്തു

അറുപത്തിയൊന്നാമത് സംസ്ഥാന സ്കൂൾ കലോത്സവത്തിൻ്റെ മീഡിയ റൂം ഉദ്ഘാടനം വിദ്യാഭ്യാസ വകുപ്പ് മന്ത്രി വി ശിവൻകുട്ടി, പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് എന്നിവർ ചേർന്ന് നിർവ്വഹിച്ചു.

കലോത്സവത്തിൻ്റെ പ്രധാന വേദിയായ വിക്രം മൈതാനിയിലാണ് മീഡിയ റൂം പ്രവർത്തിക്കുന്നത്. മറ്റ് പത്ര-ദൃശ്യ-ശ്രവണ മാധ്യമങ്ങളുടെയും സ്റ്റാളുകൾ മീഡിയ റൂമിന് സമീപത്താണ് ഒരുക്കിയത്. ഇവിടെക്ക് വൈഫൈ സംവിധാനം ഉൾപ്പടെ ഏർപ്പെടുത്തും.

കലോത്സവം റിപ്പോർട്ട് ചെയ്യാനായി 1200 ലേറെ മാധ്യമ പ്രവർത്തകരുടെ സംഘമാണ് ഇത്തവണ കോഴിക്കോട്ടെക്ക് എത്തുന്നത്. ഇവർക്കെല്ലാം ഫോട്ടോ പതിച്ച തിരിച്ചറിയൽ കാർഡുകളുടെ വിതരണവും ആരംഭിച്ചു.

ഉദ്ഘാടന ചടങ്ങിൽ തോട്ടത്തിൽ രവീന്ദ്രൻ എം എൽ എ,മീഡിയ കമ്മിറ്റി ചെയർമാൻ ഫിറോസ്ഖാൻ, കൺവീനർ എം റിയാസ്, ജോയിന്റ് ഡയറക്ടർ സുരേഷ്, ആർ ഡി ഡി അനിൽ, വൈസ് ചെയർമാൻ ടി സുജൻ, അനിൽ എം ജോർജ്, പി രാധാകൃഷ്ണൻ, അനിൽകുമാർ, ഷിബു, അഫ്സൽ, സനോജ്, മുജീബ് തുടങ്ങിയവരും മാധ്യമ പ്രവർത്തകരും പങ്കെടുത്തു.