സ്കൂൾ കലോത്സവം: താമസസൗകര്യം തുറന്നു കൊടുത്തു

കേരള സ്കൂൾ കലോത്സവത്തിനായി വിവിധ ജില്ലകളിൽ നിന്നെത്തിയ മത്സരാർത്ഥികൾക്കുള്ള താമസസൗകര്യം തുറന്നു കൊടുത്തു. നടക്കാവ് ജി വി എച്ച് എസ് എസ് സ്കൂളിൽ നടന്ന ചടങ്ങ് വിദ്യാഭ്യാസ വകുപ്പ് മന്ത്രി വി. ശിവൻകുട്ടി ഉദ്ഘാടനം ചെയ്തു. കൗൺസിലറും അക്കമഡേഷൻ കമ്മിറ്റി ചെയർപേർസണുമായ നവ്യ ഹരിദാസ് അധ്യക്ഷയായി.

താമസസൗകര്യം ആവശ്യമായ എല്ലാ വിദ്യാർത്ഥികൾക്കും ജില്ലയിലെ ഏറ്റവും നല്ല സ്കൂളുകളാണ് ഒരുക്കിയിരിക്കുന്നത്. പെൺകുട്ടികൾക്കായി 9 സ്കൂളുകളും ആൺകുട്ടികൾക്കായി 11 സ്കൂളുകളുമാണുള്ളത്. പതിനായിരത്തോളം വിദ്യാർത്ഥികൾക്കുള്ള താമസ സൗകര്യമാണ് ഒരുക്കിയിരിക്കുന്നതെന്ന് നവ്യ ഹരിദാസ് പറഞ്ഞു.

ചടങ്ങിൽ പൊതുവിദ്യാഭ്യാസ ഡയറക്ടർ ജീവൻ ബാബു, അക്കോമഡേഷൻ കൺവീനർ ടി. അനൂപ് കുമാർ, സ്കൂൾ പ്രിൻസിപ്പൽ കെ. ബാബു എന്നിവർ സംസാരിച്ചു.