Post Category
മീഡിയ അക്കാഡമി ഫോട്ടോ ജേര്ണലിസം ഡിപ്ലോമ: അപേക്ഷാ തീയതി നീട്ടി
സംസ്ഥാന സര്ക്കാരിന്റെ സ്വയംഭരണ സ്ഥാപനമായ കേരള മീഡിയ അക്കാഡമി കൊച്ചി, തിരുവനന്തപുരം സെന്ററുകളില് നടത്തുന്ന ഫോട്ടോ ജേര്ണലിസം കോഴ്സിന്റെ അപേക്ഷാ തീയതി ജനുവരി 16 വരെ നീട്ടി. തിയറിയും പ്രാക്ടിക്കലും ഉള്പ്പെടെ മൂന്നു മാസമാണ് കോഴ്സിന്റെ കാലാവധി. ശനി, ഞായര് ദിവസങ്ങളിലാണ് ക്ലാസുകള്. ഓരോ സെന്ററിലും 25 സീറ്റുകള് ഉണ്ട്. സര്ക്കാര് അംഗീകാരമുള്ള കോഴ്സിന് 25,000 രൂപയാണ് ഫീസ്. പ്ലസ്ടു വിദ്യാഭ്യാസ യോഗ്യതയുള്ളവര്ക്ക് അപേക്ഷിക്കാം. അപേക്ഷകള് ഓണ്ലൈനായി www.keralamediaacademy.org എന്ന വെബ്സൈറ്റിലൂടെ സമര്പ്പിക്കാം. സര്ട്ടിഫിക്കറ്റുകളുടെ പകര്പ്പും അപേക്ഷയോടൊപ്പം അപ്ലോഡ് ചെയ്യണം. കൂടുതല് വിവരങ്ങള്ക്ക് ഫോണ്: 0484 2422275, 8281360360 (കൊച്ചി സെന്റര്), 0471 2726275, 9447225524 (തിരുവനന്തപുരം സെന്റര്).
date
- Log in to post comments