മേപ്പയ്യൂരിൽ തൊഴിൽ സഭയ്ക്ക് തുടക്കമായി

അഭ്യസ്ഥവിദ്യരായ യുവതീ-യുവാക്കൾക്ക് കേരളത്തിനകത്തും പുറത്തുമുള്ള ജോലി സാധ്യതകളും, സംരംഭ സാധ്യതകളും പരമാവധി വികസിപ്പിക്കുന്നതിനും, ജനങ്ങളിലേക്ക് എത്തിക്കുന്നതിനുമുള്ള സർക്കാർ പദ്ധതിയുടെ ഭാഗമായി മേപ്പയ്യൂർ പഞ്ചായത്തിൽ തൊഴിൽ സഭ സംഘടിപ്പിച്ചു. പഞ്ചായത്ത് പ്രസിഡന്റ് കെ.ടി.രാജൻ ഉദ്ഘാടനം ചെയ്തു. 

മുഴുവൻ തൊഴിലന്വേഷകർക്കും യോജിച്ച തൊഴിൽ ഉറപ്പാക്കുകയെന്ന ലക്ഷ്യത്തോടെ സംസ്ഥാന സർക്കാർ ഗ്രാമസഭകളുടെ മാതൃകയിൽ നടപ്പിലാക്കുന്ന പദ്ധതിയാണ് തൊഴിൽ സഭ. ഗ്രാമസഭകളുടെ മാതൃകയിൽ അതത്‌ തദ്ദേശസ്ഥാപനത്തിലെ തൊഴിലന്വേഷകരുടെ സഭ രൂപീകരിച്ച്‌ വിവിധ വകുപ്പുകളിലെ അവസരം അതത്‌ പ്രദേശങ്ങളിലുള്ളവർക്ക്‌ ഉറപ്പാക്കുക എന്ന ലക്ഷ്യത്തോടെയാണ് തൊഴിൽ സഭ രൂപീകരിക്കുന്നത്‌.  

പഞ്ചായത്ത് ഓഡിറ്റോറിയത്തിൽ നടന്ന പരിപാടിയിൽ സ്റ്റാൻഡിങ് കമ്മറ്റി ചെയർമാൻ ഭാസ്ക്കരൻ കൊഴുക്കല്ലൂർ അധ്യക്ഷത വഹിച്ചു. പഞ്ചായത്ത് മെമ്പർമാരായ പി. പ്രശാന്ത്, വി.പി. ബിജു, അസിസ്റ്റന്റ് സെക്രട്ടറി എം.ഗംഗാധരൻ എന്നിവർ സംസാരിച്ചു. ഫിനാൻഷ്യൽ ലിറ്ററസി കൗൺസിലർ മുകുന്ദൻ തിരുമംഗലത്ത്, കില റിസോഴ്സ് പേഴ്സൺ പി.നാരായണൻ, വ്യവസായ വകുപ്പ ഇന്റേൺ അഭിൻ രാജ്, അംബാസിഡർ.കെ.ഷൈജ എന്നിവർ ക്ലാസെടുത്തു.