പോസ്റ്റ്മെട്രിക് ഹോസ്റ്റല് പ്രവേശനത്തിന് അപേക്ഷ ക്ഷണിച്ചു
എറണാകുളം നഗരത്തിലും പരിസര പ്രദേശത്തുമുള്ള സര്ക്കാര് സര്ക്കാര് എയ്ഡഡ് സ്ഥാപനങ്ങള്/ സര്ക്കാര് അംഗീകൃത സ്വകാര്യ സ്വാശ്രയ കോളേജുകള് എന്നിവിടങ്ങളില് മെറിറ്റിലോ റിസര്വേഷനിലോ പ്രവേശനം നേടിയ ഒ.ബി.സി/ എസ്.ഇ.ബി.സി/ ഒ.ഇ.സി/ ഒ.ബി.സി(എച്ച്) വിഭാഗങ്ങളില് ഉള്പ്പെട്ട വിദ്യാര്ത്ഥിനികള്ക്കായി എറണാകുളം കാക്കനാട് പോലീസ് സ്റ്റേഷന് സമീപം സ്ഥിതി ചെയ്യുന്ന, സംസ്ഥാന ഹൗസിങ് ബോര്ഡിന്റെ ഉടമസ്ഥതയിലുള്ള കെട്ടിടത്തില് പ്രവര്ത്തനമാരംഭിക്കുന്ന പോസ്റ്റ് മെട്രിക് ഹോസ്റ്റലില് പ്രവേശനത്തിന് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. സംസ്ഥാന ഹൗസിങ് ബോര്ഡുമായി സഹകരിച്ച് പ്രവര്ത്തനമാരംഭിക്കുന്ന ഹോസ്റ്റലില് പ്രവേശനം നേടുന്നതിന് നിര്ദ്ദിഷ്ട മാതൃകയിലുള്ള അപേക്ഷ പൂരിപ്പിച്ച് പിന്നാക്ക വിഭാഗ വികസന വകുപ്പിന്റെ എറണാകുളം മേഖലാ ഓഫീസില് സമര്പ്പിക്കണം. ഇത് സംബന്ധിച്ച വിശദ വിവരങ്ങള് അടങ്ങിയ വിജ്ഞാപനം, അപേക്ഷാഫാറം എന്നിവ www.bcdd.kerala.gov.in, www.egrantz.kerala.gov.in എന്നീ വെബ്സൈറ്റുകളില് ലഭിക്കും. അപേക്ഷ സമര്പ്പിക്കേണ്ട അവസാന തീയതി ഫെബ്രുവരി 15.
- Log in to post comments