കിക്മയില് എം.ബി.എ കൂടിക്കാഴ്ച 16 ന്
സഹകരണ വകുപ്പിന് കീഴില് സംസ്ഥാന സഹകരണ യൂണിയന്റെ കേരള ഇന്സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റ് (കിക്മ) എം.ബി.എ ഫുള്ടൈം കോഴ്സിലേക്ക് കൂടിക്കാഴ്ച നടത്തുന്നു. പാലക്കാട് വിക്ടോറിയ കോളേജിന് സമീപത്തെ കോ-ഓപ്പറേറ്റീവ് ട്രെയിനിങ് കോളേജില് ഫെബ്രുവരി 16 ന് രാവിലെ 10 മുതല് ഉച്ചക്ക് 12 വരെ കൂടിക്കാഴ്ച നടത്തുന്നു. കേരള സര്വകലാശാല, എ.ഐ.സി.റ്റിയുടെ അംഗീകാരത്തോടെ നടത്തുന്ന കോഴ്സിലേക്ക് ഫിനാന്സ്, മാര്ക്കറ്റിംഗ്, ഹ്യൂമന് റിസോഴ്സ്, ലോജിസ്റ്റിക്സ്, സിസ്റ്റം എന്നിവയില് സ്പെഷലൈസേഷന് അവസരമുണ്ട്. സഹകരണ മേഖലയില് പ്രവര്ത്തിക്കുന്നവരുടെ ആശ്രിതര്ക്ക് സ്കോളര്ഷിപ്പും എസ്.സി/എസ്.റ്റി/ഫിഷര്മാന് വിഭാഗങ്ങളിലെ വിദ്യാര്ത്ഥികള്ക്ക് യൂണിവേഴ്സിറ്റി നിബന്ധനകള്ക്ക് വിധേയമായി ഫീസ് ആനുകൂല്യവും ലഭിക്കും. അവസാന വര്ഷ ബിരുദ വിദ്യാര്ത്ഥികള്, ഫെബ്രുവരിയില് കെ-മാറ്റ് എന്ട്രന്സ് പരീക്ഷയ്ക്ക് തയ്യാറെടുക്കുന്നവര്ക്കും അപേക്ഷിക്കാം. കൂടുതല് വിവരങ്ങള് www.kicma.ac.in ലും 9746287745, 8547618290 നമ്പറുകളിലും ലഭിക്കും.
- Log in to post comments