കായകല്പ പുരസ്‌കാരം ഏറ്റുവാങ്ങി

സർക്കാർ ആശുപത്രികളിലെ ശുചിത്വ പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിനായി സംസ്ഥാന സർക്കാർ നൽകുന്ന കായകല്പ പുരസ്‌കാരം നരിപ്പറ്റ ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന് സമ്മാനിച്ചു.

തിരുവനന്തപുരത്ത് നടന്ന ചടങ്ങിൽ ആരോഗ്യ-കുടുംബക്ഷേമ വകുപ്പ് മന്ത്രി വീണാ ജോർജിൽ നിന്നും പഞ്ചായത്ത് പ്രസിഡന്റ് ബാബു കാട്ടാളി, വൈസ് പ്രസിഡന്റ് ബീന വി.കെ, വാർഡ് മെമ്പർമാർ, മെഡിക്കൽ ഓഫീസർ ഡോ. ഗ്രീഷ്മപ്രിയ, ആരോഗ്യ പ്രവർത്തകർ, ആശ പ്രവർത്തകർ എന്നിവർ ചേർന്ന് പുരസ്‌കാരം ഏറ്റുവാങ്ങി.