വനിതാ ചലച്ചിത്രോത്സവം സംഘടിപ്പിക്കുന്നു

മേലടി ബ്ലോക്ക് പഞ്ചായത്ത് ജി.ആർ.സി സെന്ററിന്റെ നേതൃത്വത്തിൽ ഏകദിന വനിതാ ചലച്ചിത്രോത്സവം സംഘടിപ്പിക്കുന്നു. കേരള സംസ്ഥാന ചലച്ചിത്ര അക്കാദമിയുടെ സഹകരണത്തോടെ  സംഘടിപ്പിക്കുന്ന ചലച്ചിത്രോത്സവത്തിന്റെ ഉദ്ഘാടനം കാനത്തിൽ ജമീല എംഎൽഎ നിർവഹിക്കും. ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് അധ്യക്ഷത വഹിക്കും.

ജൂൺ 17ന് പഞ്ചായത്ത് ഹാളിലാണ് ചലച്ചിത്രോത്സവം സംഘടിപ്പിക്കുന്നത്. നതാലി മെസെൻ സംവിധാനം ചെയ്ത ക്ലാരസോള, മനോജ് കാനയുടെ ചായില്യം, ജിയോ ബേബിയുടെ ദി ഗ്രേറ്റ് ഇന്ത്യൻ കിച്ചൺ എന്നീ മൂന്ന് സിനിമകളാണ് പ്രദർശിപ്പിക്കുക. ചലച്ചിത്രോത്സവത്തിലേക്കുള്ള പ്രവേശനം സൗജന്യമാണ്.