ഗസ്റ്റ് ലക്ചർ നിയമനം

ചേളാരിയിൽ പ്രവർത്തിക്കുന്ന തിരൂരങ്ങാടി എ.കെ.എൻ.എം ഗവ. പോളിടെക്നിക്ക് കോളേജിന്റെ അനുബന്ധ സ്ഥാപനമായ ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ് സെന്ററിൽ ഇംഗ്ലീഷ് ആൻഡ് വർക്ക് പ്ലേസ് സ്‌കിൽ എന്ന വിഷയത്തിൽ ദിവസവേതനാടിസ്ഥാനത്തിൽ ഗസ്റ്റ് ലക്ചർ നിയമനം നടത്തുന്നു. ഇംഗ്ലീഷിൽ ബിരുദാനന്തര ബിരുദവും, ബി.എഡ്, സെറ്റ് എന്നിവയാണ് യോഗ്യതകൾ. ഹയർ സെക്കൻഡറി സ്‌കൂൾ ഇംഗ്ലീഷ് അധ്യാപന പരിചയമുള്ളവർക്ക് മുൻഗണന ഉണ്ടായിരിക്കും. ഹയർ സെക്കൻഡറി സ്‌കൂളിൽ നിന്ന് വിരമിച്ച ഇംഗ്ലീഷ് അധ്യാപകരെയും പരിഗണിക്കും. താത്പര്യമുള്ള ഉദ്യോഗാർഥികൾ പ്രായം, വിദ്യാഭ്യാസ യോഗ്യത, പ്രവർത്തി പരിചയം എന്നിവ തെളിയിക്കുന്ന എല്ലാ അസ്സൽ സർട്ടിഫിക്കറ്റുകളും പകർപ്പുകളും സഹിതം ഒക്ടോബർ ആറിന് രാവിലെ പത്തിന് നടക്കുന്ന അഭിമുഖത്തിന് പ്രിൻസിപ്പാൾ മുമ്പാകെ ഹാജരാവണം.