Post Category
പട്ടയം അനുവദിക്കൽ; ആക്ഷേപമുള്ളവർ അറിയിക്കണം
കോട്ടയം: തിരുവാർപ്പ് വില്ലേജിലെ ബ്ലോക്ക് 15ൽ റീസർവേ നമ്പർ 442ൽ നിന്നുള്ള വിവിധ സബ്ഡിവിഷനുകളിൽ ഉൾപ്പെട്ട 19.43 ആർ ഭൂമി മാധവശ്ശേരി കോളനി നിവാസികളായിരുന്നവർക്കു നിബന്ധനകൾക്ക് വിധേയമായി പതിച്ചു നൽകിയതാണ്. ്എന്നാൽ ഈ വസ്തു ക്രമവിരുദ്ധമായി കൈമാറ്റം ചെയ്തുവെന്ന് അന്വേഷണത്തിൽ കണ്ടെത്തി. നിലവിൽ ഈ ഭൂമിയിൽ താമസിക്കുന്നവരുടെ പക്കൽ അസൽ പട്ടയവും ലഭ്യമല്ല. അതിനാൽ 1964-ലെ കേരള ഭൂമി പതിച്ചു നൽകൽ ചട്ടങ്ങൾ, ചട്ടം 8(3) പ്രകാരം പട്ടയം റദ്ദ് ചെയ്യാനും ഭൂമി സർക്കാരിലേക്ക് ഏറ്റെടുക്കാനും തുടർന്നു നിലവിലെ കൈവശക്കാർക്ക് അർഹത പരിശോധിച്ച് പട്ടയം അനുവദിക്കാനുമാണ് തീരുമാനം. ഇത്തരത്തിൽ പട്ടയം അനുവദിക്കുന്നതിൽ ആക്ഷേപമുണ്ടെങ്കിൽ 15 ദിവസത്തിനുള്ളിൽ പതിവധികാരിയായ കോട്ടയം തഹസിൽദാർക്ക് രേഖാമൂലം നൽകണം.
date
- Log in to post comments