പ്രീ റിക്രൂട്ട്‌മെന്റ് ട്രെയിനിങ്:  അപേക്ഷ ക്ഷണിച്ചു

ജില്ലാ പഞ്ചായത്ത് 2023-24 വാര്‍ഷിക പദ്ധതിയില്‍ ഉള്‍പ്പെടുത്തി നടപ്പാക്കുന്ന പട്ടികജാതി വിഭാഗത്തില്‍പ്പെട്ടവര്‍ക്ക് സൈന്യത്തില്‍ ചേരുന്നതിനുള്ള പ്രീ റിക്രൂട്ട്‌മെന്റ് ട്രെയിനിങ് പദ്ധതിയില്‍ അപേക്ഷ ക്ഷണിച്ചു. ജില്ലയിലെ ഗ്രാമപഞ്ചായത്തില്‍ സ്ഥിരതാമസക്കാരായ 18നും 28നും ഇടയില്‍ പ്രായമുള്ള എസ് എസ് എല്‍ സി, പ്ലസ്ടു യോഗ്യതയുള്ള യുവതീ യുവാക്കള്‍ക്ക് അപേക്ഷിക്കാം. കായികക്ഷമത, എഴുത്ത് പരീക്ഷ എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ഡിസംബര്‍ 23ന് രാവിലെ 10 മണിക്ക് ജില്ലാ പട്ടികജാതി വികസന ഓഫീസില്‍ സെലക്ഷന്‍ ടെസ്റ്റ് നടത്തും. താല്‍പര്യമുള്ളവര്‍ സര്‍ട്ടിഫിക്കറ്റുകള്‍ സഹിതം എത്തിച്ചേരുക. ഫോണ്‍: 04972700596, 7510867448, 9947691140.