കണ്ണൂര്‍ അറിയിപ്പുകള്‍ 11-01-2024

ദേശീയ യുവജന ദിനാചരണം 

നെഹ്‌റു യുവകേന്ദ്ര പ്രഗതി വിദ്യാനികേതന്റെ സഹകരണത്തോടെ ദേശീയ യുവജന ദിനാചരണം സംഘടിപ്പിക്കുന്നു. ജനുവരി 12ന് ഉച്ചക്ക് 12.30ന് ഇരിട്ടി പ്രഗതി വിദ്യാനികേതനില്‍ സണ്ണി ജോസഫ് എം എല്‍ എ ഉദ്ഘാടനം ചെയ്യും. വിവിധ വിഷയങ്ങളില്‍ വിദഗ്ധര്‍ ക്ലാസെടുക്കും. തുടര്‍ന്ന് ക്വിസ് മത്സരം, കലാപരിപാടികള്‍ എന്നിവ നടക്കും.

കൗണ്‍സലര്‍ നിയമനം

ജില്ലയിലെ ഓര്‍ഫനേജ് കണ്‍ട്രോള്‍ ബോര്‍ഡിന്റെ സ്ഥാപനങ്ങളിലെ താമസക്കാര്‍ക്ക് കൗണ്‍സലിങ് നല്‍കുന്നതിന് ജീവനക്കാരെ നിയമിക്കുന്നു. യോഗ്യത: എം എസ് ഡബ്ല്യു (മെഡിക്കല്‍ ആന്റ് സൈക്യാട്രിക് സോഷ്യല്‍ വര്‍ക്ക്)ന് മുന്‍ഗണന. ഇവരുടെ അഭാവത്തില്‍ എം എ/ എം എസ് സി സൈക്കോളജിയും 10 വര്‍ഷം പ്രവൃത്തി പരിചയവുമുള്ളവരെ പരിഗണിക്കും. ജനുവരി 22ന് രാവിലെ 11 മണിക്ക് കണ്ണൂര്‍ അസിസ്റ്റന്റ് കലക്ടറുടെ ചേമ്പറില്‍ വാക്ക് ഇന്‍ ഇന്റര്‍വ്യൂ നടക്കും. യോഗ്യരായവര്‍ വയസ്, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഹാജരാകണം. ഫോണ്‍: 8281999015

മെഡിക്കല്‍ ഓഫീസര്‍ നിയമനം

മുഴപ്പിലങ്ങാട് ഗ്രാമപഞ്ചായത്തിലെ കുടുംബാരോഗ്യ കേന്ദ്രത്തില്‍ മെഡിക്കല്‍ ഓഫീസറെ നിയമിക്കുന്നു. താല്‍പര്യമുള്ളവര്‍ ജനുവരി 20ന് ഉച്ചക്ക് രണ്ട് മണിക്ക് ഗ്രാമപഞ്ചായത്ത് ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവിന് ഹാജരാകണം. ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസ്സല്‍, പകര്‍പ്പ് എന്നിവ കൊണ്ടുവരണം.

കൗണ്‍സലിങ്

സംസ്ഥാന വനിതാ വികസന കോര്‍പ്പറേഷന്റെ പിലാത്തറയിലെ റീച്ച് ഫിനിഷിങ് സ്‌കൂളില്‍ കൗണ്‍സലിങ് നല്‍കുന്നു. വനിതകള്‍, വിദ്യാര്‍ഥികള്‍ എന്നിവര്‍ക്ക് സേവനം ലഭ്യമാകും. ഫോണ്‍: 0497 2931572, 9496015018.

അപേക്ഷ ക്ഷണിച്ചു

സിഡിറ്റ് ഫാക്കല്‍റ്റി അംഗങ്ങളുടെ പാനല്‍ രൂപീകരിക്കുന്നതിന് അപേക്ഷ ക്ഷണിച്ചു. അക്കാദമിക്/പരിശീലന പ്രവൃത്തികള്‍ക്കും കേന്ദ്രീകൃത മൂല്യനിര്‍ണയ ക്യാമ്പിലേക്കുമാണ് നിയമനം. വിശദ വിവരങ്ങള്‍ www.cdit.org/careers ലഭിക്കും. ജനുവരി 31നകം ഓണ്‍ലൈനായി അപേക്ഷ http://bit.ly/3RMdZe2 വഴി സമര്‍പ്പിക്കണം.

മിനിമം വേതന ഉപദേശക സമിതി യോഗം 16ന്

സ്വകാര്യ ആശുപത്രി തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള തെളിവെടുപ്പ് യോഗം ജനുവരി 16ന് രാവിലെ 10 മണിക്ക് കണ്ണൂര്‍ റസ്റ്റ് ഹൗസ് കോണ്‍ഫറന്‍സ് ഹാളില്‍ ചേരും. ജില്ലയിലെ തൊഴിലാളി-തൊഴിലുടമ പ്രതിനിധികള്‍ യോഗത്തില്‍ രേഖകള്‍ സഹിതം പങ്കെടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.

ആയൂര്‍വേദ, അലോപ്പതി മരുന്ന് നിര്‍മ്മാണ മേഖലയിലെയും, ലൈറ്റ് മോട്ടോര്‍ വെഹിക്കിള്‍ മേഖലയിലെയും മിനിമം വേതനം പുതുക്കി നിശ്ചയിക്കല്‍ തെളിവെടുപ്പ് യോഗം ജനുവരി 16ന് രാവിലെ 11 മണിക്ക് കോഴിക്കോട് ഗാന്ധി റോഡിലെ കെ എസ് എസ് ഐ എ ഹാളില്‍ ചേരും. ജില്ലയിലെ തൊഴിലാളി-തൊഴിലുടമ പ്രതിനിധികള്‍ യോഗത്തില്‍ രേഖകള്‍ സഹിതം പങ്കെടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. ഫോണ്‍: 0497 2700353

തീയതി നീട്ടി

ജില്ലാ ഖാദി ഗ്രാമ വ്യവസായ ഓഫീസില്‍ നിന്നും സിബിസി, പാറ്റേണ്‍ പദ്ധതിയില്‍ വായ്പ എടുത്ത്  കുടിശ്ശിക വരുത്തിയ വ്യക്തികള്‍ക്കും സ്ഥാപനങ്ങള്‍ക്കും കുടിശ്ശിക തീര്‍പ്പാക്കുന്നതിനുള്ള അവസരം ജനുവരി 31 വരെ നീട്ടി. ഫോണ്‍: 0497 2700057. ഇമെയില്‍: poknr@kkvib.org

ഇന്റീരിയര്‍ ഡിസൈനിങ് കോഴ്‌സ്

കണ്ണൂര്‍ ഗവ. വനിത ഐ ടി ഐയില്‍ ഇന്‍സ്റ്റിറ്റ്യൂട്ട് മാനേജ്മെന്റ് കമ്മിറ്റിയുടെ ആഭിമുഖ്യത്തില്‍ നടത്തുന്ന ഡിപ്ലോമ ഇന്‍ ഇന്റീരിയര്‍ ഡിസൈനിങ് കോഴ്‌സുകള്‍ക്ക് അപേക്ഷ ക്ഷണിച്ചു. ഓട്ടോ കാഡ്, ത്രീഡി മാക്സ്, വി റേ, ഓട്ടോ ഡെസ്‌ക്, രവിറ്റ് ആര്‍ക്കിടെക്ചര്‍ ആന്റ് അഡോബ് ഫോട്ടോഷോപ്പ് പ്രൊഫഷണല്‍ എന്നിവയിലാണ് പരിശീലനം. ഫോണ്‍: 9526811194, 9947016760.

ടെണ്ടര്‍

തലശ്ശേരി ജനറല്‍ ആശുപത്രിയിലേക്ക് മരുന്ന് വിതരണം ചെയ്യാന്‍ ടെണ്ടര്‍ ക്ഷണിച്ചു. ജനുവരി 30ന് ഉച്ചക്ക് 12.30 വരെ ടെണ്ടര്‍ സ്വീകരിക്കും. ഫോണ്‍: 0490 2322150

വൈദ്യുതി മുടങ്ങും

തലശ്ശേരി സൗത്ത് ഇലക്ട്രിക്കല്‍ സെക്ഷനിലെ വാവാച്ചി മുക്ക്, റാഫാ റിഫ, കോമത്തുപാറ, നേതാജി റോഡ്,  എരഞ്ഞോളി പാലം, ഫിഷ് യാര്‍ഡ് എന്നീ ഭാഗങ്ങളില്‍ ജനുവരി 12 വെള്ളി രാവിലെ 8.30 മുതല്‍ വൈകിട്ട് 5.30 വരെയും ടൗണ്‍ ഹാള്‍, കുനിത്തല, എസ് എസ് റോഡ്, പള്ളിത്താഴ എന്നീ ഭാഗങ്ങളില്‍ ഉച്ചക്ക് 12 മണി മുതല്‍ വൈകിട്ട് 5.30 വരെയും വൈദ്യുതി മുടങ്ങും.