ചിറക്കടവിൽ പാൽ ഗുണനിയന്ത്രണ ബോധവത്ക്കരണ പരിപാടി

കോട്ടയം: ക്ഷീരവികസന വകുപ്പ് കോട്ടയം ജില്ലാ ക്വാളിറ്റി കൺട്രോൾ യൂണിറ്റിന്റെയും ചെറുവള്ളി ക്ഷീരോത്പാദക സഹകരണ സംഘത്തിന്റെയും ചിറക്കടവ് ഗ്രാമപഞ്ചായത്തിന്റെയും ആഭിമുഖ്യത്തിൽ ബുധനാഴ്ച (ജനുവരി 17) രാവിലെ 10ന് പാൽഗുണ നിയന്ത്രണ ബോധവത്കരണ പരിപാടി സംഘടിപ്പിക്കുന്നു. ചെറുവള്ളി ക്ഷീരോത്പാദക സഹകരണ സംഘം ഹാളിലാണ് പരിപാടി. ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ. സി.ആർ. ശ്രീകുമാർ ഉദ്ഘാടനം ചെയ്യും. വാഴൂർ ബ്ലോക്ക് പഞ്ചായത്തംഗം ഷാജി പാമ്പൂരി അധ്യക്ഷത വഹിക്കും. ഗ്രാമപഞ്ചായത്തംഗങ്ങളായ അഭിലാഷ് ബാബു, അനിരുദ്ധൻ നായർ, ഗോപി പാറാംതോട്, ക്ഷീരവികസന വകുപ്പ് ഡെപ്യൂട്ടി ഡയറക്ടർ സി.ആർ. ശാരദ, സംഘം പ്രസിഡന്റ് ബിജു ജേക്കബ് എന്നിവർ പങ്കെടുക്കും. ക്ഷീരവികസന വകുപ്പ് ക്വാളിറ്റി കൺട്രോൾ ഓഫീസർ ജാക്വിലിൻ ഡൊമിനിക്, ക്ഷീരവികസന ഓഫീസർ ഗോപകുമാർ, എം.വി. കണ്ണൻ എന്നിവർ ക്ലാസെടുക്കും. ആർ.എസ്. ദിവ്യമോൾ, ടോം തോമസ്, പി.കെ. സീമമോൾ എന്നിവർ പങ്കെടുക്കും.