പോളിംഗ് ബൂത്തുകളിലേക്കുള്ള കോവിഡ് സുരക്ഷാ ഉപകരണങ്ങള്‍ വിതരണം ചെയ്തു

തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിനോട് അനുബന്ധിച്ച് ജില്ലയിലെ വിവിധ പോളിങ് ബൂത്തുകളിലേക്ക് കോവിഡ് 19 പ്രതിരോധ പ്രവര്‍ത്തനങ്ങള്‍ക്കാശ്യമായ സുരക്ഷാ ഉപകരണങ്ങള്‍ വിതരണം ചെയ്തു. 12 മുനിസിപ്പാലിറ്റികളിലേയും 15 ബ്ലോക്കിലേയും പോളിംഗ് ബൂത്തുകളിലേക്കായി 71,550 മാസ്‌ക്, 47,700 ഗ്ലൗസ്, 23,850 ഫെയ്‌സ് ഷീല്‍ഡ്, 27,825 ലിറ്റര്‍ സാനിറ്റൈസര്‍ എന്നിവയാണ് വിതരണം ചെയ്തത്. ജൂനിയര്‍ സുപ്രണ്ട് ഷഫീഖ് മുഹമ്മദ്, ബിനീഷ് കെ, സജീവ് പി, വിനോദ്, സത്യന്‍ എന്നിവര്‍ നേതൃത്വം നല്‍കി.